Faasologa o le Sauniga o le Auaunaga

Vaiaso e Amata iā Iulai 10

Pese 4 (4)

10 minu: Faasilasilaga a le faapotopotoga. I le faaaogāina o fautuaga o loo i le itulau e 4 po o nisi taulimaga e talafeagai ma la outou oganuu, ia faataʻitaʻi le auala e ofo ai le Olomatamata o Iulai 1 ma le Ala Mai! o Iulai-Setema. I se tasi o taulimaga, ia faaali le auala e taulimaina ai ma le tomai le manatu e ono taofia ai le talanoaga: “O i matou nei foʻi o Kerisiano.”—Tagaʻi i le tamaʻi tusi Le Auala e Amata ma Faaauau ai Talanoaga Faale-Tusi Paia, itu. 11.

15 minu: Le Auala ua Faamaopoopo ma Pulea ai le Faapotopotoga. Lauga ma se talanoaga ma le aofia e faavae i le mataupu e 4 o le tusi Ua Faamaopoopo Ina ia Faia le Finagalo o Ieova.

20 minu: “Ati Aʻe le Loto Faafetai i Uiga Lē Mafaatusalia o Ieova.”a Ia fai ma se faataʻitaʻiga e faaalia ai le auala e faaaogā ai fesili, e fesoasoani i se tagata aʻoga o le Tusi Paia e mafaufau loloto i manatu o loo i le pusa autalu, i le faaiʻuga o le mataupu 1 o le tusi Aʻoaʻoga a le Tusi Paia.

Pese 61 (79) ma le tatalo faaiʻu.

Vaiaso e Amata iā Iulai 17

Pese 47 (58)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia talanoa puupuu i le Olomatamata o Aokuso 15, 2000, itulau e 32. Ia faamatilatila aogā o le iai o se polokalame o le faitauina o le Tusi Paia e lē aunoa, e oo foʻi i vaitaimi o faigāmālōlōga po o isi taimi e ese mai i a tatou faasologa masani.

15 minu: Alofa ma le Lotomaulalo—O Uiga e Tāua Tele i le Faiva. Se lauga e faavae i le Olomatamata o Aokuso 15, 2002, itulau e 18-20, palakalafa e 13-20.

20 minu: “Faaaʻoaʻo i lo Tatou Atua Fiafia o Ieova.”b Valaaulia le aofia e fai mai ni o latou manatu i mea na fesoasoani iā i latou e tumau ai i se uiga fiafia ma se vaaiga mautinoa, a o talaʻi i le oganuu a le faapotopotoga.

Pese 57 (75) ma le tatalo faaiʻu.

Vaiaso e Amata iā Iulai 24

Pese 53 (70)

15 minu: Faasilasilaga a le faapotopotoga. Faitau le tala o le tupe ma tusi na faafetai mai ai ona o foaʻi na auina atu. I le faaaogāina o fautuaga i le itulau e 4 po o isi taulimaga e talafeagai i la outou oganuu, ia faataʻitaʻi le auala e ofo ai le Olomatamata o Iulai 15 ma le Ala Mai! o Iulai-Setema. Pe a uma taulimaga taʻitasi, ia toe taʻua faamatalaga amata na faaaogā e faatupu ai le fiafia o le tagata o le aiga.

10 minu: “Ua Latou Faataatia se Faataʻitaʻiga o le Faamaoni.” Se lauga e aofia ai ma ni faamatalaga o ni mea na tutupu i olaga o paeonia faapito po o le faatalanoa foʻi o so o se paeonia faapito o le faapotopotoga o loo auauna i le faapotopotoga.—Tagaʻi i le Watch Tower Publications Index i lalo o le ulutala “Special Pioneers.”

20 minu: Ia Tumau ma le Lē Faagaeetia. (1 Kori. 15:58) Ia faatalanoa ni tagata talaʻi se toʻatolu po o ni paeonia o loo auauna ma le faamaoni mo le tele o tausaga. Na faapefea ona latou aʻoaʻoina le upu moni? Na faapeʻī le galuega talaʻi ina ua amata ona latou talaʻi? O ā ni toʻatugā na latou feagai? O ā ni faamanuiaga ua latou maua ona o le tumau ma le lē faagaeetia mo le tapuaʻiga moni?

Pese 10 (12) ma le tatalo faaiʻu.

Vaiaso e Amata iā Iulai 31

Pese 23 (28)

10 minu: Faasilasilaga a le faapotopotoga. Faamanatu i le ʻautalaʻi a latou lipoti mo Iulai. Ia taʻua le lomiga e ofo mo Aokuso.

15 minu: Manaʻoga o le faapotopotoga.

20 minu: “O le Ati Aʻe o Masaniga Lelei e Maua ai Aogā e Tele.”c Valaaulia le aofia e fai mai ni o latou manatu i taumafaiga na latou fai e amata ma faatumauina ni faasologa lelei faaleagaga, ma faamanuiaga na latou maua ona o le faia faapea.

Pese 79 (130) ma le tatalo faaiʻu.

Vaiaso e Amata iā Aokuso 7

Pese 49 (65)

10 minu: Faasilasilaga a le faapotopotoga. Ia toe autalu puupuu taulimaga faataʻitaʻi o loo i La Tatou Faiva o le Malo, e fetuunaʻi i tulaga o loo manaʻomia i le oganuu a le faapotopotoga.—Tagaʻi i La Tatou Faiva o le Malo o Ianuari 2005, itu. 8.

15 minu: O Sauniga e Faatupu ai le Alofa ma Galuega Lelei. Se lauga e faavae mai le Olomatamata o Mati 15, 2002, itulau e 24-25. Ia faaaofia ai ma se faatalanoaga puupuu e faamamafa ai taumafaiga ua fai e se tagata talaʻi ina ia auai e lē aunoa i sauniga, ma aogā ua maua mai ai.

20 minu: Ia Avea ma Faifeʻau Fetuutuunaʻi. Lauga ma se talanoaga ma le aofia e faavae i le Olomatamata o Tesema 1, 2005, itulau e 28-30. E faavae mai le lauga i le palakalafa e 6-11, ia faamanino le auala na uaʻi, fetuutuunaʻi, ma fesuisuiaʻi ai Paulo i le talaʻi ma le aʻoaʻo atu. Ona valaaulia lea o le aofia e fai mai ni o latou manatu i fesili i le palakalafa 12-14, ma vaai po o ā aogā i tagata talaʻi o le faapotopotoga. Ia faaaofia ai ma se faataʻitaʻiga o loo faaalia ai le auala e ono fetuutuunaʻi ai e le tagata talaʻi lana taulimaga i le faiva, ma magafagafa i manaʻoga, tulaga, tū ma aga a tagata i le oganuu a le faapotopotoga.

Pese 29 (34) ma le tatalo faaiʻu.

[Faaopoopoga i lalo]