Pusa Fesili

◼ Pe talafeagai le aoaoina ma faamaumau i lalo lomiga ia o le a talanoaina i le Aʻoga o le Faiva Faatiokarate ma tufatufaina atu i isi?

E talafeagai pe afai e faaaogā e tagata o le aiga ma ni nai uō o loo vavalalata i ai. Ae ui i lea, e lē tatau ona faalautele le tufatufaina atu, po o le faia ina ia maua ai ni tupe, ona o le a solia ai faaletulafono le aiā a i latou e ana le aiā tatau.

E iai nisi o tofiga i le Aʻoga o le Faiva Faatiokarate e na o le matua o le mataupu o loo iai; e leai ni faasinomaga e iloa ai le lomiga e maua mai ai manatu o le mataupu. O lea, pe faamata e aogā i se tagata le faia o se lisi o lomiga e maua ai manatu o na mataupu, po o le aoao ma faamaumau i lalo na lomiga ina ia mafai ona faaaogā e i latou e mauaina na tofiga? E leai. E lē talafeagai foʻi le tusia o tali o fesili o le Autaluga o le Aʻoga o le Faiva Faatiokarate e faaaogā e isi, ona e lē mafai ai ona latou manatua manatu tāua. E ao i tagata aʻoʻoga ona faia a latou lava saʻiliʻiliga. O se vala tāua lenei o le toleniga o loo saunia e Ieova e ala i le aʻoga e fesoasoani iā i tatou e tautala atu i le “laulaufaiva o ē ua aʻoaʻoina.”—Isa. 50:4.