Faasilasilaga

◼ Lomiga e ofo iā Tesema: Le Tagata Silisili o Ē Uma na Soifua Mai. Ianuari: Laʻu Tusi o Tala o Le Tusi Paia. Afai e lē talia e tagata o aiga le tusi, ona tuu lea i ai o le polosiua Ia Faaauau Ona Mataala! Fepuari: Faalatalata Atu iā Ieova. Mati: O ā Aʻoaʻoga Moni a le Tusi Paia? Aperila ma Me: Le Olomatamata ma le Ala Mai!

◼ Ua toeitiiti ona auina atu lea o tusi valaaulia mo le Faamanatuga o le 2007 i le gagana a faapotopotoga taʻitasi. Afai e iai nisi gagana o loo tautatala ai tagata i la outou oganuu, ma o loo outou manaʻomia ni tusi valaaulia i na gagana, e ao ona talosaga i le vave e mafai ai e faaaogā ai le Literature Request Form (S-14). O le lisi o gagana o loo maua ai tusi valaaulia o le Faamanatuga o le a iai i le “Faasilasilaga i Faapotopotoga Uma,” lea e lafoina atu i faapotopotoga. Faamolemole ia talosaga na o gagana e manaʻomia i la outou oganuu.

◼ Faamolemole ia mātau, o le a faia le Faamanatuga i le tausaga e 2008 i le Aso Toonaʻi, Mati 22, pe a mavae le goto le lā. Ua vave auina atu lenei faasilasilaga ina ia saʻilia ma faia ai e uso ni feagaiga talafeagai mo ni maota e avanoa, pe a tele ni faapotopotoga e faaaogāina le Maota mo Sauniga. I ia tulaga, e ao ona faia se maliega a toeaina ma tagata o le pulega, ina ia faamautinoa e leai se faalavelave mai o isi mea e fai i le fale lava lea. Ona e tāua tele le Faamanatuga, e ao i toeaina ona filifili se toeaina e sili ona agavaa e faia le lauga, na i lo le tau ina auauaʻi po o le faaaogā o le toeaina lava e tasi i tausaga uma. Ae afai o iai se toeaina agavaa o le vaega faauuina e mafai ona faia le lauga, e ao ona filifilia o ia.