Autaluga o le Aʻoga o le Faiva Faatiokarate
O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Tesema 25, 2006. O le a faafoeina e le ovasia o le aʻoga se autaluga e 30 minute e faavae i mataupu na talanoaina i lauga mo vaiaso o Novema 6 e faasolo atu iā Tesema 25, 2006. [Mātau: I fesili e lē o iai ni lomiga o tusia i o latou faaiʻuga, o le a manaʻomia ai ona faia ni au lava suʻesuʻega e suʻeina ai tali.—Tagaʻi i le tusi o le Aʻoga o le Faiva, itu. 36-37.]
UIGA O LE TAUTALA
1. O le ā e ao ona fua i ai le filifilia o faamatalaga talafeagai e faatomua ai se mau? [be itu. 148 pala. 4–itu. 149 pala. 2]
2. O ā nisi o metotia e mafai ona tatou faaaogā e faamautinoa ai faamamafaga talafeagai i a tatou upu ma faaupuga? [be itu. 151 pala. 5–itu. 152 pala. 3]
3. Talu ai o se mataupu tāua tele le aʻoaʻoina o tagata i le Afioga a le Atua, o le ā e manaʻomia ina ia tatou “talaʻitonuina le upu moni”? (2 Timo. 2:15) [be itu. 153 pala. 1-3, le pusa; itu. 154 pala. 1-2]
4. O ā auala e mafai ona tatou faamanino ai le faatatauina o mau tatou te faitau? [be itu. 154 pala. 4–itu. 155 pala. 3]
5. Aiseā e tāua ai le faamanino atu o aogā e mafai ona faatinoina o la tatou mataupu? [be itu. 157 pala. 1-4, le pusa; itu. 158 pala. 1]
LAUGA NU. 1
6. O le ā le uiga o le taʻua o Solomona o sē e faapotopotoina? [bsi06 itu. 25 pala. 1-3]
7. E faapefea ona ōgatusa le Failauga ma aʻoaʻoga a Iesu? [bsi06 itu. 26 pala. 16]
8. O ā ni faamaoniga o le avea o Le Pese a Solomona o se tusi ua faamaonia o se vaega o le Tusi Paia? [bsi06 itu. 28 pala. 3-4]
9. Na faapefea i le Tusi Tāʻai a Isaia lea na maua i le Sami Mate ona aumai ai faamaoniga e faatalitonu ai, o le tatou Tusi Paia i aso nei o loo fai ma sui o uluaʻi tusitusiga mai le agaga o le Atua? [bsi06 itu. 30 pala. 6]
10. O le ā e fesoasoani i se failauga ina ia ʻalofia le tele o faamaumauga? [be itu. 42 pala. 1]
FAITAU TUSI PAIA O LE VAIASO
11. O le ā le uiga o le faaupuga “o ē saʻili iā Ieova ua latou lagona mea uma”? (Faata. 28:5)
12. E faapefea i ‘galuega a ē valelea ona lailoa ai i latou’? (Fai. 10:15)
13. Na faapefea i le teine Sulami ona pei o se “faatoʻaga ua puipuia o ia,” ma ua faapefea ona avea o ia ma faaaʻoaʻoga lelei mo tamaʻitaʻi Kerisiano e leʻi faaipoipo? (Pese 4:12)
14. Ina ua valaaulia Isaraelu e ō mai e “filifili,” pe na faaalia ai ea e Ieova faapea, ua ia finagalo malie e fai ni feutagaʻiga talafeagai ma ona tagata? (Isa. 1:18a)
15. Na faapefea ona faataunuu anamua le Isaia 11:6-9, ma o le ā le faataunuuga tele?