Faasilasilaga

◼ Lomiga e ofo iā Setema: Aʻoaʻoga a le Tusi Paia. Fai taumafaiga faapitoa e amata ni suʻesuʻega faale-Tusi Paia i le uluaʻi asiasiga. Afai ua iai i tagata o le aiga lenei lomiga, ia faaali i ai le auala o le a aogā ai iā i latou, i lou faataʻitaʻi puupuu i ai o se suʻesuʻega faale-Tusi Paia. Oketopa: Le Olomatamata ma le Ala Mai! Afai e faaalia le fiafia, ofo atu ma talanoaina le sāvali Pe E te Manaʻo e Fia Iloa Atili e Faatatau i le Tusi Paia? ma se sini e amata se suʻesuʻega faale-Tusi Paia. Novema: Ia Faalogo i le Faiaʻoga Sili. A fai mai tagata e leai ni a latou fanau, ona ofo lea i ai o le polosiua o le Mataala! Tesema: Le Tagata Silisili o Ē Uma na Soifua Mai. Pe a manaʻo e sui le ofo, e mafai ona e faaaogā le tusi, Faalatalata Atu iā Ieova, po o Le Ala e Maua ai le Fiafia i le Aiga. Ianuari: So o se tusi e 192 itulau ua amata ona eena laupepa o itulau, po o tusi na lomia i tua atu o le 1991. O faapotopotoga ua lē o toe iai ni a latou tusi faapea, e mafai ona ofo le tusi o Le Poto (pe afai o maua) po o le polosiua Ia Faaauau Ona Mataala! Fepuari: Le Ala e Maua ai le Fiafia i le Aiga.

◼ Talu ai o Setema e lima faaiʻuga o le vaiaso, o se masina lelei la e paeonia lagolago ai.

◼ E tatau i faapotopotoga ona amata talosagaina tuufaatasiga o le Watchtower ma le Awake! mo le 2007, Watch Tower Publications Index 2007, ma le Watchtower Library—2007 Edition i le CD-ROM i le isi a latou ota o lomiga o loo sosoo ai. O le lisi o gagana o loo maua ai nei lomiga o le a maua atu i le “Faasilasilaga mo Faapotopotoga Uma,” lea e lafoina atu i masina taʻitasi. Ia mātau faamolemole o le Watchtower Library—2007 Edition ua saunia e mo na o tagata papatisoina o le faapotopotoga, ma e maua e ala atu i le faapotopotoga.

◼ O le polokalame vitiō o Jehovah’s Witnesses—Organized to Share the Good News o le a talanoaina i se Sauniga o le Auaunaga iā Tesema. Pe a manaʻomia, ia talosagaina lenei vitiō e ala atu i le faapotopotoga i se taimi vave.

◼ O le lauga lautele faapitoa mo le vaitaimi o le Faamanatuga o le 2008, o le a faia a o faagasolo le vaiaso e amata iā Mati 31, 2008. O le a faasilasila mulimuli atu le matua o le lauga. O faapotopotoga o loo asia e le ovasia matagaluega pe auai i se fonotaga i le faaiʻuga o lenā vaiaso, o le a fai le latou lauga faapitoa i le faaiʻuga o le vaiaso e sosoo ai. E lē tatau i se faapotopotoga ona fai le latou lauga faapitoa a o leʻi oo i le vaiaso e amata iā Mati 31.

◼ E tatau i le ovasia taʻimua po o se tasi na te tofiaina, ona suʻe tusi a le faapotopotoga mo masina o Iuni, Iulai, ma Aokuso. Pe a uma ona faia lenā mea, ia faia se faasilasilaga i le faapotopotoga pe a uma ona faasilasila le isi lipoti o le tupe e sosoo ai.—Tagaʻi i Instructions for Congregation Accounting (S-27).