Faasologa o le Sauniga o le Auaunaga

Mātau: Ia faatulaga se 15 po o le 20 minute o se Sauniga o le Auaunaga (atonu e faaaogā ai se vaega o manaʻoga o le faapotopotoga) i se vaiaso se tasi pe lua pe a māeʻa la outou tauaofiaga, e autalu ai manatu mai le tauaofiaga lea e iloa e tagata talaʻi o le a aogā i le faiva. E ao ona faia e le ovasia o le auaunaga le autaluga. Ia valaaulia le aofia e fai mai ni o latou manatu i le auala o loo latou faatatauina ai, po o le a faatatauina foʻi na manatu i la latou faiva.

Vaiaso e Amata iā Novema 12

Pese 9 (11)

10 minu: Faasilasilaga a le faapotopotoga. I le faaaogāina o taulimaga o loo i le itulau e 4 po o isi taulimaga e fetaui i la outou oganuu, ia faataʻitaʻi le ofoina o Le Olomatamata o Novema 15 ma le Ala Mai! o Oketopa-Tesema. I faataʻitaʻiga taʻitasi, ia ofo uma mekasini e lua e ui lava e na o le tasi lea e faamatilatila.

15 minu: “O Loo iā te Aʻu le Ario, o Loo iā te Aʻu Foʻi le Auro.” Lauga a se toeaina e faavae i le Le Olomatamata o Novema 1, 2007, itulau e 17-21.

20 minu: “Ia Savavali Faapei o Ē Popoto.”a Pe afai e lava le taimi valaaulia le aofia e fai mai ni o latou manatu i mau o loo faasino mai.

Pese 12 (14)

Vaiaso e Amata iā Novema 19

Pese 72 (109)

10 minu: Faasilasilaga a le faapotopotoga. Ia taʻua lomiga e ofo mo Tesema, ma faia se faataʻitaʻiga se tasi o taulimaga.

15 minu: Manaʻoga o le faapotopotoga.

20 minu: “Aua Neʻi Faafiti!”b Pe a talanoaina le palakalafa e 5, ia faaaofia se manatu mai iā i latou na suʻesuʻe ma ē ua avea ma Molimau a Ieova. Aiseā o se taui lelei ai ma o se fiafiaga le faia o se suʻesuʻega agaʻigaʻi i luma? Ia faatulaga se tali se tasi pe lua a o leʻi faia le sauniga.

Pese 13 (15)

Vaiaso e Amata iā Novema 26

Pese 15 (17)

10 minu: Faasilasilaga a le faapotopotoga. Faitau le tala o le tupe ma tusi na faafetai mai ai mo foaʻi na auina atu. Ia faamanatu i le ʻautalaʻi e avatu o latou lipoti mo le auaunaga mo Novema. I le faaaogāina o taulimaga o loo i le itulau e 4 po o isi taulimaga e fetaui i la outou oganuu, ia faataʻitaʻi le ofoina o Le Olomatamata o Tesema 1 ma le Ala Mai! Oketopa-Tesema.

15 minu: Pe Mafai Ona E Faalautele Atu i le Alofa? Lauga a se toeaina e faavae i Le Olomatamata o Ianuari 1, 2007, itulau 9-11.

20 minu: Talavou e, E Faapefea Ona E Vivii iā Ieova?c Talanoaina o Le Olomatamata o Iuni 15, 2005, itulau e 26-28, palakalafa 15-19, faaaogā ai fesili o le suʻesuʻega. Pe a talanoaina le palakalafa e 18, ia valaaulia talavou i le aofia e faamatala mai le auala latou te molimau atu ai i tamaiti ma faiaʻoga o le aʻoga.

Pese 23 (28)

Vaiaso e Amata iā Tesema 3

Pese 59 (77)

15 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Autalu le Pusa Fesili.

15 minu: O Ē na Faauu Mai se Aʻoga na Aogā i Tagata i le Lalolagi Atoa. Lauga e faavae i Le Olomatamata o Novema 15, 2006, itulau e 10-13. Ia faia se faatalanoaga puupuu o ni toeaina po o ni auauna o le faapotopotoga o ē na auai i le Aʻoga mo le Toleniga i le Faiva. E faapefea ona fesoasoani le aʻoga iā i latou e agaʻigaʻi i luma o ni tagata talaʻi, leoleo mamoe, ma faiaʻoga? Ia faalaeiau uso agavaa e fai ma a latou sini le Aʻoga mo le Toleniga i le Faiva.

15 minu: “Tatou te Taʻu Atu i Isi le Faamoemoe o le Malo.”d Pe afai e lava le taimi valaaulia le aofia e fai mai ni o latou manatu i mau o loo faasino mai.

Pese 85 (139)

[Faaopoopoga i lalo]