Vala Mataʻina o le Auaunaga

Matou te fiafia e faailoa atu le aofaʻiga o le Faamanatuga mo Samoa ma Amerika Samoa sa faia iā Aperila 9, 2009. E toʻa 2,472. O le lima ai lenei tausaga sosoo, o faateleina pea le aofaʻiga o le faamanatuga. O le iʻuga lea o le tele pea o “mea e fai i le galuega a le Alii.”—1 Kori. 15:58.

Mo le masina o Aperila 2009, e 8% le faatelega o le ʻautalaʻi i Amerika Samoa pe a faatusatusa atu i le tausaga ua mavae. O loo faateleina foʻi le aofaʻiga o toe asiga ma suʻesuʻega faale-Tusi Paia.