Le Tala e Fai Atu e Uiga i Mekasini

Le Olomatamata Aokuso 1

“E manatu le toʻatele e ō tagata lelei uma lava i le lagi. Po o lou talitonuga foʻi lenā? [Faatali mo se tali.] Mātau le faamatalaga lenei e faatatau i le lalolagi. [Faitau le Salamo 37:11, 29.] O loo talanoaina i le mataupu lenei le mea na aʻoaʻoina e Iesu e faatatau i le lumanaʻi o tagata i inei i le lalolagi.” Faamatilatila le mataupu lea e amata i le itulau e 22.

Ala Mai! Iulai-Setema

“E toʻatele o loo mafatia i popolega i aso nei i tulaga tau tupe, aemaise lava le lē feaʻutaʻi o le tulaga tau tupe i nei taimi faigatā. Pe e te ioe i lenei manatu? [Faatali mo se tali.] Mātau mai le fautuaga paleni lenei. [Faitau le 1 Timoteo 6:8, 10.] O loo faatulaga mai i le mataupu lenei ni mataupu silisili mai le Tusi Paia e fesoasoani iā i tatou ia taulima a tatou tupe i se tulaga e maua ai le filemu o le mafaufau.”

Le Olomatamata Setema 1

“E manatu nisi a e faamaoni i le Atua, o le a ia faamanuia oe e ala i le foaʻi mai o le tamaoaiga ae o le mativa o se faailoga o le lē fiafia mai o le Atua. O le ā sou manatu? [Faatali mo se tali.] O le manatu faatupu manatu, e leʻi tamaoaiga faaletino Iesu. [Faitau le Luka 9:58.] O loo talanoaina i le mataupu lenei ituaiga faamanuiaga e mafai ona faatalitalia e auauna a le Atua.”

Ala Mai! Iulai-Setema

“E toʻatele tamaiti aʻoga e foliga mai o loo omia i popolega. Pe e te manatu ua iai se suiga talu mai le taimi a o avea ma tamaiti o latou matua? [Faatali mo se tali.] E mafai ona iai āuga lē lelei o le soona popole po o le popole i mea e lē manaʻomia fua ona popole i ai. [Faitau le Failauga 7:7a.] O loo talanoaina i le mataupu lenei auala e fesoasoani ai tagata matutua i ē talavou e faafetaiaʻia le omia i le popole.”