Le Tala e Fai Atu e Uiga i Mekasini

Le Olomatamata Setema 1

“E toʻatele e manatu e lē moni le tala i le Kenese e faatatau iā Atamu ma Eva. O isi e talitonu o Atamu ma Eva o ni tagata moni lava sa iai anamua. O le ā sou manatu? [Faatali mo se tali.] Mātau le auala sa faasino atu ai Iesu iā i laʻua. [Faitau le Mareko 10:6-9.] O loo iloiloina i le mataupu lenei faamaoniga ma faamatala pe aiseā e tāua ai le mea tatou te talitonu i ai.” Faamatilatila le mataupu o loo amata i le itulau e 12.

Ala Mai! Iulai-Setema

“E tele faaipoipoga ua iʻu ina tatala ona o le lē faamaoni. Pe e te manatu e fesoasoani le faatatauina o le mau lenei i faaipoipoga ina ia tumau ai? [Faitau le Mataio 5:28. Ona faatali lea mo se tali.] O loo faaaogā e le mataupu lenei le Tusi Paia e fesoasoani i ulugalii e ʻalofia le mailei o le lē faamaoni.” Faamatilatila le mataupu o loo amata i le itulau e 14.

Le Olomatamata Oketopa 1

“Ua oo uma lava iā i tatou faafitauli i le olaga. [Otooto atu ni faafitauli e taatele i lou vaipanoa.] Pe e te manatu e mafai ona fesoasoani mai le Atua iā i tatou? [Faatali mo se tali.] O loo taʻua i le mau lenei se tasi o auala e fesoasonai mai ai le Atua iā i tatou. [Faitau le Luka 11:13.] O loo faamatala i le mekasini lenei po o le ā le agaga paia ma le auala e mafai ona tatou maua mai ai aogā.”

Ala Mai! Oketopa-Tesema

“Ua faateteleina i aso nei tagata o loo faaaogāsesēina fualaau o loo maua i a latou talavai. E iai sou manatu i le māfuaaga o lenei mea? [Faatali mo se tali.] O loo taʻua i le Tusi Paia se tasi o māfuaaga autū, aemaise lava i tamaiti. [Faitau le Faataoto 13:20.] O loo faamatala i le mekasini lenei le auala e mafai ona e puipuia ai oe ma lou aiga, mai i lenei faafitauli ua aafia ai le toʻatele o tagata i le lalolagi aoao.”