Le Tala e Fai Atu e Uiga i Mekasini

Le Olomatamata Ianuari 1

Faitau le Kenese 2:16, 17. Ona faapea atu lea: “Ua fai mai nisi na muaʻi silafia e le Atua o le a agasala Atamu. E manatu isi e amiolētonu le lapataʻiga a le Atua, pe afai na ia muaʻi silafia le iʻuga. O le ā sou manatu? [Faatali mo se tali.] O loo taʻua i le mataupu lenei i le itulau e 13, le auala e faaaogā ai e le Atua lona muaʻi silafiaina o mea e tutupu i le lumanaʻi.”

Ala Mai! Ianuari-Mati

Faitau le Mataio 5:39. Ona faapea atu lea: “Po o le uiga o le fetalaiga a Iesu e tatou te lē faia se mea e puipuia ai mai i faiga sauā? [Faatali mo se tali.] O loo taʻua i lenei mataupu le tala a le Tusi Paia e uiga i le puipuia o le tagata lava ia, ma le saʻilia o se puipuiga faaletulafono.” Faamatilatila le mataupu i le itulau e 12.

Le Olomatamata Fepuari 1

“Ua taatele le teteʻa o ulugalii i aso nei. O le ā sou manatu, o le ā le pogai autū? [Faatali mo se tali.] Seʻi mātau le fautuaga lenei ua aogā i le tele o ulugalii. [Faitau le 1 Korinito 10:24.] O loo talanoaina i lenei mekasini faitioga masani e ono ua faia e tane ma avā, ma le auala e aogā ai le faatatauina o taʻiala a le Tusi Paia.”

Ala Mai! Ianuari-Mati

“Pe e te manatu e mafai pe e lē mafai e telefoni feaveaʻi, imeli ma isi mea faaonapōnei ona aveesea le lagona tuua toʻatasi? [Faatali mo se tali.] O se tasi nei o fautuaga e aogā iā i tatou e manumalo ai i lenā lagona. [Faitau le Galuega 20:35.] O loo taʻua i lenei mataupu isi fautuaga mai i le Tusi Paia.” Faamatilatila le mataupu o loo i le itulau e 20.