Le Tala e Fai Atu e Uiga i Mekasini

Le Olomatamata Ianuari 1

“E te manatu o le a avea le lalolagi ma nofoaga sili ona lelei pe a ola tagata e ōgatusa ma le mataupu silisili lenei o le Tusi Paia? [Faitau le Roma 12:18. Ona faatali lea mo se tali.] Pe sa e taumānatu pe aiseā na faatonu ai e le Atua i nisi taimi ona tagata anamua e ō e tau? O loo faaalia i le mekasini lenei le tali manino a le Tusi Paia.” Faamatilatila le mataupu o loo amata i le itulau e 13.

Ala Mai! Ianuari-Mati

“Pe e te talitonu ua fesagaʻia e aiga i aso nei le anoanoaʻi o faafitauli? [Faatali mo se tali.] E toʻatele latou te lē o silafiaina fautuaga aogā o loo i le Tusi Paia. Fai ma faataʻitaʻiga le manatu lenei. [Faitau se mau o loo i le mekasini.] O le Ala Mai! faapitoa lenei o loo faaalia ai mataupu silisili o le Tusi Paia lea e mafai ona fesoasoani i aiga ia taulau i le fesagaʻia o tulaga eseese.”

Le Olomatamata Fepuari 1

“E toʻatele tagata o loo faamoemoe e ō i le lagi pe a maliliu. Po o iā te oe lenei faamoemoe? [Faatali mo se tali.] Mātau mai le faamatalaga a le Tusi Paia e faatatau i le taui o le a maua e le toʻatele o tagata lelei. [Faitau le Salamo 37:29.] O loo talanoaina i le mekasini lenei le faamatalaga a le Tusi Paia po o ai e ō i le lagi ma po o ā a latou mea e fai ai i inā.”

Ala Mai! Ianuari-Mati

“E toʻatele tamāloloa ma fafine o loo nonofo faapouliuli i aso nei e lē faaipoipo, o nisi o i latou ua iai ni fanau. O le ā sou manatu, pe e talafeagai lenei faiga ma le mea o fai mai ai le Tusi Paia? [Faatali mo se tali. Ona faitau lea o le Eperu 13:4.] I le Ala Mai! faapitoa lenei, o loo taʻua ai le vaaiga a le Tusi Paia e faatatau i le nonofo faatasi ae e leʻi faaipoipo.” Suʻe i le itulau e 28.