Autaluga o le Aʻoga o le Faiva Faatiokarate
O le a talanoaina fesili o loo mulimuli mai i le Aʻoga o le Faiva Faatiokarate i le vaiaso e amata iā Tesema 26, 2011.
1. E faapefea ona fesoasoani iā i tatou le fautuaga o loo i le Faataoto 30:32, e ʻalofia ai le soona faaʻonoʻono atu i se tasi na tatou faatigā i ai? [w87-E 5/15 itu. 30 pala. 11]
2. O le ā le ituaiga “olioli” lea e iʻu ina lē faamalieina ai se tagata? (Fai. 2:1) [g 7/06 itu. 6 pala. 1-2]
3. E ui lava e manatu nisi tagata e faapea o upu a Solomona o loo faamauina i le Failauga 3:1-9, o loo lagolagoina ai le talitonuga i iʻuga tuupōina, ae e faapefea i ana upu o loo i le Failauga 9:11 ona faaalia manino mai ai le mataupu, ma faamaonia ai e lē o mea uma i le olaga ua uma ona tuupōina o latou iʻuga? [w09 3/1 itu. 4 pala. 4]
4. O le ā le lamatiaga o le avea ma sē e “amiotonu naʻuā”? (Fai. 7:16) [w10 10/15 itu. 9 pala. 8-9]
5. Ua faaalia faapefea i Le Pese a Solomona 2:7 e faapea, o se mea atamai i ē o loo mafaufau e faaipoipo ona aua neʻi vavevave i le filifilia o se paaga? [w06 11/15 itu. 19 pala. 1; w80-E 4/15 itu. 19 pala. 7]
6. O le ā le uiga o le ʻsisina ifo o le meli i laugutu’ o le teine Sulami, ma ʻua i lalo o lona laulaufaiva le meli ma le suāsusu’? (Pese 4:11) [w06 11/15 itu. 19 pala. 6]
7. E faapefea i faalupega o le “Faufautua Sili,” o le “Atua Malosi,” ma o le “Tamā o le Faavavau,” ona tatou malamalama ai e faatatau i uiga o Iesu ma lana pulega i le lalolagi fou? (Isa. 9:6) [w91 8/15 itu. 5 pala. 7]
8. O ai i aso nei e mafai ona faatusa i le “nuu ua fulitua” o Isaraelu, ma o ai o le a avea ma “tootoo” a Ieova ina ia faaumatia lenā nuu? (Isa. 10:5, 6) [ip-1-E itu. 145 pala. 4-5; itu. 153 pala. 20]
9. Aiseā e mataʻina tele ai le valoaga a Isaia e faapea “o le a lē toe ʻainā” Papelonia, ma o le ā ua faamautinoa mai ai iā i tatou i aso nei i lona faataunuuga? (Isa. 13:19, 20) [g 4/08 itu. 27 pala. 4-5]
10. O anafea na maua ai e Iesu “le ki o le aiga o Tavita,” ma ua faapefea ona faaaogā e Iesu lenā ki? (Isa. 22:22) [w09 1/15 itu. 31 pala. 2]