Se Auala Lelei e Olioli ai i Pese o le Malo

E manatu auauna a le Atua, o musika o se meaalofa matagofie mai iā Ieova. (Iako. 1:17) O le tele o faapotopotoga e fiafia e tā faaleo lemū pese o le Malo, a o leʻi amata pe māeʻa foʻi sauniga a le faapotopotoga. O le tāina o pese o sauniga, o se auala māfana lea e faafeiloaʻi ai i tatou i sauniga. E fesoasoani e saunia ai o tatou mafaufau mo le tapuaʻiga. E lē gata i lea, o le tāina o pese e fou fati mai i la tatou tusi pese, e aogā e tatou te faamasani ai i fati o pese, ma fesoasoani ina ia lelei ai le usuina o pese. O pese e tāina pe a māeʻa le sauniga, e faatumauina ai se siʻomaga e atiaʻe ai, lea e olioli ai i faatasiga faalaeiau. O lea la, e tatau i le ʻautoeaina ona fai ni faatulagaga talafeagai ina ia tā musika mai i le CD Sing to Jehovah—Piano Accompaniment (Pepese Atu iā Ieova-Tāina i le Piano), a o leʻi amata ma pe a māeʻa le sauniga. E tatau ona latou faamautinoa o loo talafeagai le leotele o pese, ma e lē o faalavelave i talanoaga.