O ā Au Mea e Fai i Aso Mālōlō?

O le toʻatele e mālōlō mai i galuega i vaitaimi o aso mālōlō, ma e masani o taimi lelei na e faia ai so tatou sao i le faiva i le fanua. Ua faalaeiauina faapotopotoga e faia ni fuafuaga faapitoa mo talaʻiga i taimi o aso mālōlō. Pe afai o le toʻatele o tagata i le oganuu e tuai ona feala i na taimi, e lelei la ona toe fetuunaʻi le taimi mo le galuega talaʻi. E ono faia se faasilasilaga i le taimi o le Sauniga o le Auaunaga, e faailoa atu ai i le faapotopotoga fuafuaga ua iai mo talaʻiga i aso mālōlō, ma faalaeiauina i latou uma ina ia faia se sao. O le mea moni, e tatou te maua le avanoa e mālōlō pe faia ai nisi tiute tauave e patino i le tagata lava ia i vaitaimi o aso mālōlō. Peitaʻi, aiseā e lē faatulaga ai se taimi o le aso mo le galuega talaʻi? O le faia faapea, o le a e maua ai le faafouina ona o le auai i le auaunaga paia.—Mata. 11:29, 30.