Lo Tatou Faaeaga o le Fausia ma le Tausia Lelei o Nofoaga mo le Tapuaʻiga Moni

Sa tele tupe na alu ma galuega na faia mo le fausia o le malumalu i Isaraelu. E ui i lea, sa lagolagoina ma le maelega e tagata Isaraelu le galuega. (1No 29:2-9; 2No 6:7, 8) Sa iloa le tulaga faaleagaga o le nuu ina ua maea le galuega, i le auala sa faaauau ona latou tausia ai le malumalu. (2Tu 22:3-6; 2No 28:24; 29:3) I aso nei, ua faaalu e Kerisiano le tele o le taimi ma galuega mamafa i le fausia, faamamāina ma le tausia lelei o Maota mo Sauniga ma Maota mo Fonotaga. O se matuā faaeaga le galulue faatasi ma Ieova i lenei vala, ma o se vaega o la tatou auaunaga paia.—Sl 127:1; Fal 7:15.

E MAFAI ONA FAI SO TATOU SAO E ALA I LE . . .

• 

  Faamamā o le maota pe a māeʻa sauniga. Pe afai e lē talafeagai ma lou tulaga, e mafai lava ona e faamamāina autafa o lou nofoa.

• 

  Auai e lē aunoa i le faamamāina ma le tausia lelei o le Maota mo Sauniga, auā o le tele o lima e māmā ai se avega ma maua ai le fiafia.—lv 92-93 ¶18.

• 

  Faia o foaʻi tautupe. E oo lava i ni “tupe iti se lua” e foaʻi ma le lotomalie e faafiafiaina ai Ieova.—Mar 12:41-44.

• 

  Tauofo e fesoasoani i le fausia ma le toe faaleleia o maota mo le tapuaʻiga pe a talafeagai ma lou tulaga. E lē faatalitalia seʻiloga e lelei ou tomai tau faufale.