“O Aʻu Lenei! Inā Auina Atu ia Aʻu”

O le agaga faataulaga lea na faaalia e Isaia, o se uiga lelei e ao ona faaaʻoaʻo i ai. Na ia faaalia le faatuatua ma vave tali atu i se manaʻoga na iai, e ui e na te leʻi iloa faamatalaga uma. (Isa 6:8) Pe e mafai ona fetuunaʻi lou tulaga, ina ia e auauna ai i se vaipanoa o loo telē ai le manaʻoga mo tagata talaʻi o le Malo? (Sl 110:3) O le mea moni, e manaʻomia ona “faitau tupe o le a faaalu” a o leʻi siitia atu. (Lu 14:27, 28) Peitaʻi, e ao ona e lotomalie e faia ni faataulaga ina ia faataunuu ai le galuega talaʻi. (Mat 8:20; Mar 10:28-30) E pei ona faamatilatila mai i le vitiō Siitia i Vaipanoa o Loo Telē ai le Manaʻoga, e sili atu faamanuiaga e maua mai i le auaunaga iā Ieova, nai lo so o se faataulaga e tatou te faia.

MATAMATA LE VITIŌ ONA TALI LEA O FESILI NEI:

• O ā faataulaga na faia e tagata taʻitoʻatasi o le aiga o William ina ia auauna ai i Ekutoa?

• O ā vala na latou iloiloina ina ua filifili se vaipanoa e auauna ai?

• O ā faamanuiaga na latou olioli ai?

• O fea e te maua ai nisi faamatalaga e faatatau i le auauna i vaipanoa e telē ai le manaʻoga?

TALANOA I FESILI NEI I LE ISI A OUTOU TAPUAʻIGA A LE AIGA:

• E faapefea ona faalautele atu la tatou faiva o se aiga? (km 8/11 4-6)

• O ā auala e mafai ona fesoasoani ai i la tatou faapotopotoga, pe afai e lē mafai ona tatou auauna i le mea e telē ai le manaʻoga? (w16.03 23-25)