Siitia i le Mea o Loo Tele ai le Manaʻoga

E manaʻomia le faatuatua ina ia e siitia atu ai i se nofoaga fou, e ese mai i le nofoaga ua e masani ai, ina ia faalautele atu lau faiva. (Epe 11:8-10) Pe afai o lou sini le siitia atu i se nofoaga o loo tele ai le manaʻoga, ia talanoa atu i toeaina o lau faapotopotoga. O ā ni gaoioiga e te faia ina ia iloa ai pe e mafai ona e ausia lenei sini, ma iloa le nofoaga talafeagai e te siitia i ai? Ia iloilo mataupu i a tatou lomiga e faatatau i le auauna i nofoaga o loo tele ai le manaʻoga. Ia talanoa atu i ē na taulau i le siitia atu e fesoasoani i se isi faapotopotoga. (Fat 15:22) Ia saʻili le taʻitaʻiga a Ieova e ala i le tatalo. (Ia 1:5) Ia faia ni saʻiliʻiliga i le nofoaga o loo e mafaufau e siitia i ai, ma pe a mafai, ia asiasi muamua i ai mo sina taimi a o leʻi faia lau faaiʻuga.

MAIMOA I LE VITIŌ IA FAATUATUA E ULU ATU I LE FAITOTOʻA O GALUEGA—SIITIA I LE MEA O LOO TELE AI LE MANAʻOGA, ONA TALI LEA O LE FESILI LENEI:

• O ā luʻi na fesagaʻia e Kalepo, ma o le ā na fesoasoani iā te ia?