E Puipuia e Ieova Ona Tagata

Sa avea le uluaʻi Paseka o se faatasiga e matuā tāua. Ina ua iloa e Farao i lenā po ua oti lana ulumatua, na ia faatonuina loa Mose: “Ia tulaʻi, ma ō ese mai i oʻu tagata, o oulua ma isi o le fanauga a Isaraelu, ma ō e auauna iā Ieova, e pei ona oulua fai mai ai.” (Eso 12:31) Na faaalia e Ieova na gaoioi o ia mo ona tagata.

Pe a tatou vaai i le talafaasolopito o tagata o Ieova i aso nei, ua iai faamaoniga manino, o loo faaauau ona taʻitaʻia ma puipuia e Ieova i latou. O loo faamatilatila lenei manatu i se mataaga i le ofisa ulu ua faaigoaina “O Tagata mo le Suafa o Ieova.”

MAIMOA I LE VITIŌ MAIMOAGA I MATAAGA I WARWICK: “O TAGATA MO LE SUAFA O IEOVA,” ONA TALI LEA O FESILI NEI:

• 

  O le ā se meafaigaluega fou na faaaogā e Tagata Aʻoga o le Tusi Paia i le 1914, e atiaʻe ai le faatuatua i le Tusi Paia, ma na faapefea ona taulau manuia?

• 

  O ā tofotofoga na aliaʻe i le 1916 ma le 1918, ma o ā faamaoniga na iloa ai sa taʻitaʻia e Ieova lana faalapotopotoga?

• 

  Na faapefea ona tumau le faatuatua o tagata o Ieova e ui i teteega?

• 

  O le ā le malamalamaga fou na maua e tagata o Ieova i le 1935, ma na faapefea ona aafia ai i latou?

• Pe afai na e asiasi i lenei mataaga, o le ā na e vaaia e atiaʻe ai lou faatuatua o loo taʻitaʻia ma puipuia e Ieova ona tagata?