Ia Faamalosia Lou Maufaatuatuaina o le Mana Laveaʻi o Ieova

Faitau le Numera 13:25–14:4 e faatatau i le lē maufaatuatuaina e tagata Isaraelu o Ieova.

Ia tilofaʻia manatu o loo siʻomia ai le mau. O ā māfuaaga na tatau ai ona talitonu tagata Isaraelu, e mafai e Ieova ona laveaʻia i latou pe a latou tuua Aikupito? (Sala. 78:​12-16, 43-53) Aiseā na latou lē maufaatuatuaina ai Ieova? (Teu. 1:​26-28) Na faapefea ona faaalia e Iosua ma Kalepo, na la maufaatuatuaina Ieova?—Nu. 14:​6-9.

Ia saʻiliʻili atili. O ā ni mea na tatau ona faia e tagata Isaraelu ina ia faamalosia ai lo latou maufaatuatuaina o Ieova? (Sala. 9:10; 22:4; 78:11) O le ā le fesootaʻiga o le maufaatuatuaina o Ieova ma le faaalia o le faaaloalo iā te ia?—Nu. 14:11.

Ia vaai po o ā ni lesona e te aʻoaʻoina mai ai. Ia fesili ifo:

• ʻO ā ni tulaga e ono tofotofoina ai loʻu maufaatuatuaina o Ieova?’

• ʻE faapefea ona faamalosia loʻu maufaatuatuaina o Ieova i le taimi lenei ma i le lumanaʻi?’

• ʻAiseā e lē tatau ai ona ou popole pe a oo mai le puapuaga tele?’—Luka 21:​25-28.