E Faitau Miliona Meafaiola Agaga
Ua taʻu mai e le Tusi Paia ia i tatou e faapea e toatele peresona agaga. O Ieova lava ia o le agaga.—Ioane 4:24; 2 Korinito 3:17, 18.
I se tasi o vaitaimi, sa na o Ieova lava na iai i le lagi aoao. Ona ia amataina lea ona foafoaina peresona agaga ua taʻua o agelu. E sili atu lo latou malolosi ma le atamamai na i lo o tagata. Na foafoaina e Ieova le tele o agelu; na vaai le auauna a le Atua, o Tanielu, i le faitau selau miliona o agelu i se faaaliga.—Tanielu 7:10; Eperu 1:7.
O nei agelu na foafoaina e le Atua a o leʻi faia le lalolagi. (Iopu 38:4-7) E leai lava se tasi o i latou ia na ola muamua o ni tagata ma toe oti i luga o lenei lalolagi.
O Ieova, o le Agaga sili, na foafoaina le faitau miliona o peresona agaga