O Ai le Atua Moni?

E na o le toʻatasi le Atua moni, o lona suafa o Ieova. (Salamo 83:18) O ia o se Agaga; e afio i le lagi, ma e lē mafai ona tatou vāai iā te ia. O ia o le Atua alofa, ma e finagalo ia tatou alolofa atu iā te ia, faapea foʻi ma isi tagata. (Mataio 22:35-40) O ia o le Pule Aoao, o Lē na faia mea uma.

O le uluaʻi foafoaga foʻi a le Atua, o se peresona malosi, lea na igoa iā Iesu Keriso ina ua afio mai i le lalolagi. Na faia foʻi e Ieova agelu.

Na foafoaina e Ieova mea uma lava i le lagi . . . ma le lalolagi. Faaaliga 4:11

Na faia e Ieova fetu, faapea le lalolagi ma mea uma o loo iai.—Kenese 1:1.

Na ia faia le uluaʻi tagata o Atamu, mai i le efuefu o le eleele.—Kenese 2:7.