O Ai Moni o Loo Pulea le Lalolagi?

Pe e te manatu . . .

MANATU O LE TUSI PAIA

“O le lalolagi atoa o loo pulea e Lē o loo Leaga.”—1 Ioane 5:19.

ʻNa afio mai le Alo o le Atua ina ia faaumatia galuega a le tiapolo.’—1 Ioane 3:8, New Century Version.

Faamatalaga talafeagai e uiga i faafitauli i le lalolagi.—Faaaliga 12:12.

Iloa ai le māfuaaga e talitonu ai o le a toe faaleleia lo tatou lalolagi.—1 Ioane 2:17.

Ioe, mo ni māfuaaga se tolu:

Ua lē taulau le pulega a Satani. Ua maumauaʻi Ieova e faamuta le pulega a Satani i le fanau a tagata. Ua ia folafola mai o le a ʻfaaumatia le Tiapolo,’ ma faaleleia mea uma na faaleagaina e Satani.—Eperu 2:14, Faaliliuga a le Lalolagi Fou.
Ua tofia e le Atua Iesu Keriso e pulea le lalolagi. E matuā tuufaafeagai Iesu ma lē o loo pulea le lalolagi i aso nei, e sauā ma manatu faapito. I le pulega a Iesu, ua folafola mai e le Atua: “E tigā alofa o ia i lē ua faatauvaa ma lē ua mativa. . . . E laveaʻiina e ia i latou mai i le pule sauā ma faiga sauā.”—Salamo 72:13, 14.
E lē mafai ona tala pepelo le Atua. Ua taʻua ma le manino i le Tusi Paia ʻe lē mafai ona pepelo le Atua.’ (Eperu 6:18) O so o se mea e folafola mai e Ieova e mautinoa e faataunuuina! (Isaia 55:10, 11) “O le a tuliesea le pule o lenei lalolagi.”—Ioane 12:31.

O le ā le tulaga o le a iai le lalolagi pe a mavae ona tafiesea lē o loo pulea?

O loo taliina i le Tusi Paia lenā fesili i le SALAMO 37:10, 11 ma le FAAALIGA 21:3, 4.