O se Aʻoga Fou ua Tatalaina!

Ua iai i le mataupu lenei le mea na taʻua i upu faaiʻu a le taʻitaʻifono i le faauuga o le vasega lona 82 o Kiliata.

TALU Mai le lona amataga ia Fepuari 1943, ua aʻoaʻoina ai e le Watchtower Bible School of Gilead le sili atu i le 6,000 faifeau tuuina o Molmau a Ieova mo le galuega faamisionare. Talu mai le sili atu i le 40 tausaga sa aauina atu ai nei misionare, ua anoanoai le tele o atunuu ua tālā ina ia oo atu iai se molimau auiliili e uiga i le Malo. Pe a tepa i tua i mea ua faataunuuina e Ieova, e mautinoa lava le olioli o tagata o le Atua e vaai atu i le faataunuuga o se valoaga mataina.

I le Isaia mataupu e 49 fuaiupu e 9-12, na valoia ai e le perofeta le faasaolotoina o tagata amiotonu ua tuulafoaiina, ua fusifusia e pei o ni pagota faalotu i “PAPELONIA LE AAI TELE.” E ala i le vasega o lana auauna faauuina i luga o le lalolagi, ua alu atu ai le valaau o le poloaiga a Ieova: “Fai atu i e o fusifusia, O mai ia i fafo; e fai atu foi i e o i le pouliuli, Faaali mai ia outou; latou te aai lava i ala . . . Latou te le fia aai, latou te le fia inu foi; e le ogotia i latou i le vevela po o le la; auā o le ua alofa ia i latou, na te ave ia te i latou, na te taʻitaʻiina foi i latou i vaipuna . . . Faauta, e o mai i latou nei mai le mea mamao.” Pe ua iai ea se tali? Ioe, ua iai! E faitau selau afe ē loto faamaoni na ō mai mai i itu uma, e faaalia i latou o loo fia aai mo le upu moni, ua faanaunau ina ia fafagaina ma faamalamalamaina i latou e le Afioga a le Atua, ua saili atu ina ia latou saoloto faaleagaga mai i “PAPELONIA LE AAI TELE.” (Faaaliga 17:5) O lea ua latou iai nei i le nofoaga faalelalolagi o le faalapotopotoga a lona Malo, na fafagaina ai i le anoanoai o meaʻai faaleagaga.

Faatelega Mataina

I le ogatotonu o le vaitaimi o le 1940 e agaʻi atu ai i luma, o atunuu o Amerika Latina ma le Atu Karipeane o vaipanoa na sa faatasi ma i latou na uluai maua aogā mai misionare i Kiliata. Sa toaitiiti lava ni nai tagata talaʻi i nei nofoaga, o ē na fesagaʻi ma se luʻi moni o le avatu o se molimau auiliili o le Malo. Mo se faaaʻoaʻoga, sa na o le 25 le au talaʻi i Puerto Rico i le 1944. I Coasta Rica sa na o le 181. I Mexico sa 2, 431 le au talaʻi i le 1944 ina ua faatoā taunuu lava le uluai au faauu mai Kiliata. A e ina ua ō ese mai tagata matelaina mo le upu moni mai le pogisa o lotu, ma faaalia i latou o ni ē saili le Malo o le Atua, sa latou talaʻi loa ma le maelega, ma na tusia igoa o nisi i le auaunaga paeonia. Na aapa le tele o tane mo tiute tauave. O iʻuga? I aso nei ua lipotia mai ai e Puerto Rico le 21, 943 o faifeau tiotio, ua faafāina ona toatele i lo ē tiotio sa lipotia mai i le 12 atunuu o le Atu Karipeane i le 1947. Ua sili atu nei ona toatele le au talaʻi i Costa Rica na i lo o ē na i ai i atunuu uma o Amerika Tutotonu i le 40 tausaga ua mavae. Ia Ianuari 1987, sa lipotia mai i Mexico se tumutumuga fou o le sili atu i le 206,000 le au talaʻi, e tusa le toatele o le au talaʻi e pei ona i ai i le lalolagi atoa i le 40 tausaga ua mavae.

Ua faapean foi i Amerika i Saute. Ina ua uluai aauina atu misionare i Anitenitina i le 1947, sa na o le 790 le au talaʻi. I aso nei e 63, 613 faifeau tiotio, e tusa e faa 26 taimi e sili ai na i lo le fuainumera o le au talaʻi i taunuu eseese e 12 i Amerika i Saute i le 40 tausaga ua mavae. A e ā Pasili (Brazil)? Ina ua aauina uluai misionare i inā i le 1945, sa na o le 394 le au talaʻi sa tauaveina le galuega o le molimau atu. A e peitai, sa latou finafinau, ma ua ausilia a inei e Pasili le 200,000 o le au talaʻi. E tusa lena ma le 80 taimi e sili atu ai na i lo o ē na tiotio i inā i Amerika i Saute ato i le 1947. Ua faamaumauina foi faatelega mataina i isi atunuu o lena lava Konetineta.

Liliu atu i Sasae i Mamao, ua tatou toe vaaia ai foi faaaliga ofoofogia o faamanuiaga a Ieova, ona ua mafai e le feau o le upu moni o le Malo ona faasaolotoina le faitau afe ina ia ō ese mai i le pouliuli. Ina ua tofia uluai misionare i Iapani i le 1949, e na o le toavalu si luuga o le au talaʻi na lipotia mai. Ia atunuu e valu o Asia na lipotia mai ai le galuega i le 40 tausaga ua mavae, sa 475 le aofai o faifeau tiotio. I aso nei, ua 116, 272 i na o Iapani lava ia.

I Pasefika i Saute sa na o le lua lala seia oo atu i le 1959. Faatasi ai la ma le fesoasoani a le au talaʻi mai Ausetalia o ē na siitia atu e auauna i le mea na tele ai le manaomia, atoa foi ma taumafaiga a le au talaʻi i isi faapotopotoga ma ni nai misionare, ua oo atu ai le tala lelei i le faitau afe o tagta i oganuu eseese i atu motu. Ua faaopoopo nei i ai le isi ono lala i lena vaega o le fanua.

O le agaʻigaʻi foi i luam i le tala faasolopito o Aferika o se mea foi e fiafia ai. O le aofai o le au talaʻi mai atunuu e 17 na lipotia mai i le 1947, sa na o le 242, 896. A e faatasi ai ma le fesoasoani a misionare i le vave ona faasalalauina atu o le tala lelei, e faitau selau afe na vave lava ona faaalia mia i latou, o ē saili ia Ieova ma lana amiotonu. I aso la nei, i le na o Nigeria lava ia, ua 130,000 Molimau o loo maelega i le foafolaina o le feau o le Malo.

E lē ma fesiligia le faataunuuina e le Afioga o le saolotoga o le upu moni a Ieova le mea ua ia finagalo i ai. E mautinoa lava le manuia o i latou ua ia aauina atu i ai. (Isaia 55:10, 11) O lea ona ua aoaoina ai nei se seleselega e matuā tele, ua faamautinoa mai ai foi e lena lava Afioga ia i tataou e faapea, o le a faatutūina e Ieova le tele o leoleo mamoe ua aʻoaʻoina. (Faatusatusa le Ieremia 23:4) Ua vaavaai ma le naunau le Vaega Pule i le tuputupu aʻe pea o le manaoga mo ni tane agavaa, e vaaia tiute tauave i le fanua fapea foi ma lala eseese a le Soasaiete. Ua faia nei ni laasaga e faafetaiaia ai lenei manaoga.

Le Aʻoga e Aʻoaʻoina Ai i le Faiva

O outou le au faauu o le vasega lona 82 o Kiliata, faapea foi ma i latou uma o loo auai i lenei faatasiga aupito sili e taiina aʻe ai, o le a fiafia e ilioa e faapea, i le tau e afu ai mea i le 1087, o le a tatalaina ai se aʻoga fou. O lenei Aʻoga e Aʻoaʻoina ai i le Faiva, e pei ona o le a faaigoa ai, o le a avea o se vaega o le Watchtower Bible School of Gilead, o lea o le a mafai ai e uo mai nisi atunuu ona auai. O le uluai vasega na amataina ia Oketopa o le tausaga ua mavae i le aai o Pittsburgh, Pennsylvania, U.S.A., o le ogatotonu muamua lea o uluai fuafuaga a le Sosaiete. E sosoo mai ai i le faaiʻuga o le vasega muamua, o le a faia foi isi vasega i vaitaimi e lē aunoa i vaega eseese o le Iunaite Setete.

E tatau ona ausia ni manaoga maʻoti faale-Tusi Paia e i latou o le a tusia mo lea aʻoga. O le a aʻoaʻoina muamua lava toeaina ma auauna o le faiva e lei faaipoipo, o ē e lelei le soifua malōlōina. Afai o ni paeonia nisi, e sili atu lena ona lelei. O i latou o le a valaaulia i le aʻoga e tatau ona loto malie e auauna i so o se mea o i ai le manaomia i le fanua i le lalolagi aoao pe a uma a latou aʻoaʻoga. E manaomia ai i lenei mea le agaga e pei ona sa i ai Isaia, o lē na ofoina atu o ia ma le loto malie i lona faapea mai: “O aʻu lenei, ina auina atu aʻu.” (Isaia 6:8) O outou le au faauu o lenei vasega lona 82, faatasi a i ma isi misionare o loo auauna i le sili atu i le faitau selau o atunuu, e mafai ona vaavaai i luma i le taimi tonu o le a i ai nisi uso ua aʻoaoina, e galulue soosoo tauʻau ma outou.

Ua uma ona sauniunia lelei ni mataupu fou atoatoa mo le Aʻoga e Aʻoaʻoina ai le Faiva. Ua faavaeina le aʻoga ma le fuafuaga e aʻoaʻoina ai uso agavaa, o ē sa i ai so latou poto masani i mea tau le faapotopotoga i le avea o ni toeaina po o ni auauna o le faiva i le faapotopotoga.

Manaomia le Agaʻigaʻi i Luma

Ina ua uma le aso Penetekoso o le 33 T.A. sa tiotio lava le faapotopotoga Kerisiano i le faasalalauina atu o le tala lelei i Ierusalema, Iutaia atoa uma ma Samaria, ma mulimuli ane, i tuluʻiga mamao uma o le lalolagi. (Galuega 1:8) E tusa o le tausaga e 60 T.A. na tusi atu ai le aposetolo o Paulo, o lē na taʻimua i galuega faaevagelia i nuu ese i tagata Kolose, ua faapea atu: “Ona o le faamoemoe . . . ua outou faalogologo i ai anamua i le upu o le mea moni ua i le tala lelei, o loo i ai ia te outou, e pei ona i le lalolagi uma lava.” Ona ia toe faaopoopo mai lea e faapea, o na uso talitonu e ‘lē tatou ona ō ese mai le faamoemoe o lena tala lelei na latou faalogo i ai, ma na talaʻiina atu foi i tagata uma lava i le lalolagi.’—Kolose 1:5, 6, 23.

I se taimi puupuu faapena na faasalalauina atu ai e uluaʻi Kerisiano le tala lelei i lena mamao. Ua foaiina mai e Ieova le faatelega, ma le aofai foi o soʻo ua matuā faateleina. Ua manaomia ai la i lenei mea nisi tane se toatele e sili atu ona agavaa e aʻoaʻo atu i faapotopotoga ma leoleo le lafu. O se tasi o ovasia talavou sa taʻimua i lenei tiute tauave o Timoteo. O le ā na apoapoai atu ai le aposetolo o Paulo ia Timoteo e fai? E pei na foliga mai o le a leai se iʻuga o lona aʻoaʻoina: “A fai e te tuuina atu na (lapataiga) i le au uso, e fai ai oe ma uauana lelei a Iesu Keriso, e tausia ai oe i upu o le faatuatua ma le mataupu lelei ua e taofi i ai . . . a ia e faamasani i le amio Atua (e avea ma ou sini).” (1 Timoteo 4:6-8) E sili atu ona tāua lenei na i lo o le uai atu i ou lava manaoga po o mea faitino, e aofai ai ma le faamalosi tino ma le toleni. Ina ia matuā atoatoa ona faaiʻuina o lana faiva, sa tatau ai lava ona vaai totoʻa Timoteo ina te ia ma lana aʻoaʻoga.

Ua maua nei e outou le au faauu o lenei vasega i Kiliata le aʻoaʻoina mo la outou galuega faamisionare. Ua vave atu ia e outou meaalofa lelei faaleagaga o le aʻoaʻo atu e ovasia agavaa na aʻoaʻo atu. Ua teuina nei la se isi polokalama lelei tau aʻoaʻoga mo tane agavaa ua i ai le poto masani e tausai ai tiute i totonu o le faapotopotoga. Faatasi ai ma se vaaiga i le lumanai, o le a aʻoaʻoina ai i latou i le amio atua, lea o le a fesoasoani ia i latou e tausia ai se vaaiga saʻo, ma faaauupegaina ai i latou e tepa taulaʻi i le mea na tusi atili atu ai Paulo ia Timoteo: “Aua neʻi iʻnoiʻno se tasi i lou taulealea, a ia fai oe ma faaaʻoaʻo i e ua faatuatua, i le upu ma le amio, ma le alofa, ma le loto, ma le faatuatua, ma le (amio mamā). Ia e faasaga i le faitau, ma le apoapoai atu, ma le aʻoaʻo atu . . . Ia e mafaufau i ia mea, ia e faamasani ai; ina ia iloa ai e tagata uma o oe o le alualu.”—1 Timoteo 4:12, 13, 15.

E tusa ai la ma le tulaga o Timoteo, ua tatau ai i uso o ē ua tofia i ai tiute tauave tau i le faapotopotoga i aso nei, e aofia ai ma tane talavou, ona latou iloa o le taimi tonu lava lenei ma le faanatinati mo i latou, ua tatau ai ona faaalia lo latou agaʻigaʻi i luma. I le faia faapea, o le a latou faailoa atu ai mai le loto se auala e faatatauina atu ai i latou i tulaga tauatua, ma ia iai se manatu faaamoni mo le tausia o manaoga faaleagaga, ma i lea, o le a agavaa ai i latou mo isi faaeaga atili o le auaunaga.—Filipi 2:20, 21.

I le vaai atu i le manaoga ua tupu mai i lenei tulaga o le galueaiina o le fuafuaga tauatua, ua avea ai o se faaeaga le faaaogāina o i latou e Ieova i so o se mea i totonu o lana faapotopotoga. Maeu so tatou loto faafetai ia te ia, o lo tatou Leoleo Mamoe Sili, faapea foi ma le Leoleo Mamoe Lelei o Iesu Keriso, mo lenei sauniuniga fou faalefaapotopotoga ua talafeagai lelei ma nei taimi, o le Aʻoga e Aʻoaʻoina ai i le Faiva!