Tausia o le Aiga—O le ā le Mamao e Faasalafa Atu Ai?

“UA TAʻU mai e le aganuu faa-Aferika ia te aʻu faapea o aʻu ou te tausia loʻu uso,” na fai mai ai se tusitala Nigeria o S.A. Jegede. “E manaʻomia foi e le aganuu faa-Aferika ona faaaloalo ma le tausia e se tasi ona mātua.” Ioe, i Aferika ma isi vaega o le lalolagi, o le fesoasoani i o tatou aiga o se auala o le olaga.

O lea, e masani lava ona manatu “aiga” e aofia ai uso o tinā ma tuafafine o tamā, o tuagane o tinā ma tausoga o tamā ma tausoga o tinā, o fanau teine ma fanau tama a ou tausoga—e oo lava i tagata e nuu faatasi! A e ina ua tuua e tagata Aferika nuu i tua ma ō atu i le aai mo galuega, o ni aiga toatele ua oo ina ua tuua e tagata Aferika nuu i tua ma ō atu i le aai mo galuega, o na aiga toatele ua oo ina avea o se puna taatele o faafitauli. O nei aiga ua siitia mia e masani lava ona siomia i latou e aiga e o atu e talosaga mo ni tupe ma n imea e nonofo ai. Peitaʻi, ona o le lē maafaatusaina o mea manaomia o le olaga i le aai, ua masani ai ona faigata ona fesoasoani atu i aiga mai nuu i tua po o tagata foi mai le nuu lava lea, pe afai e lē mafai.

Ua taʻua i le Tusi Paia: “A e afai e le tausi e se tasi i lona aiga, afai foi e le sili ona tausi i e mau ma ia, ua faafitia e ia le faatuatua, e sili ona leaga i le ua leai se (faatuatua).” (1 Timoteo 5:8, NW) O lea, o le ā le mamao e faasalafa atu i ai le mataupu silisili i le tausia o aiga? Pe o se tiute o Kerisiano le saunia o mea mo tagata uma o aiga toatele i mea uma lava? Pe e pei ona taʻua mai ma le mautinoa e le tusitala Nigeria: “E le o faitioina e le Tusi Paia po o le aganuu faa-Aferika le faiga o aiga e toatele”?

Mātua ma Fanau

O le faatoateleina o aiga o se faiga lena na i ai i taimi o le Tusi Paia. Peitaʻi, o le tauaveina e le Kerisiano o ni tiute o le “tausi i lona aiga,” e lē o faapea mai lava le Tusi Paia e aofia ai i le mea lenei tagata uma ma isi o le aiga e toatele.

O le oo faamamafa faapitoa lava e le Tusi Paia tiute tauave a mātua agaʻi i fanau. E tusa ai ma se fesoasosani a le faapotopotoga ia te ia, na tusi ai le aposetolo o Paulo: “Auā e le tatau ona faaputu oa e le fanau mo mātau, a o mātua mo fanau.” (2 Korinito 12:14) Na faaopoopo mai H. B. Clark, o se loia taʻtaʻua o le tulafono: “O le tiute tauave masani faalenatura ma tau amio, e paʻū lea i luga o le tamā, ina ia tausia lana tama itiiti.” I le avea o se ulu ua tofia e le Atua, ua i ai la i le tamā le tiute tauave sili e aumaia ai meaaʻi mo le aiga. E masani lava ona fesaosoani le avā i le tausia o le aiga e ala i le tomai e faasoasoa ai, faaalu ma le poto tupe, ma pe oo lava ina galue i fafo atu o le aiga pe a manaom ia ona o nisi tulaga.—Faatusatusa le Faataoto 31:10-31.

Matau foi, ua faalaeiauina mātua e faia e sili atu i le na ona suʻeina o tupe. Ua uunaia i latou e “faaputu” ni mea mo a latou fanau. O mātua e mulimuli i lenei fautuaga poto e masani lava ona ffesoasoani i a latou fanau tusa lava pe ua latou matutua ma tua le aiga. A e maise lava pe afai ua filifilia e le fanau e tausisi atu i le faiva sauatoa faa-Kerisiano ma pe a manaomia faapitoa ai lava ni tupe e fesoasoani ai ina ia tumaua ai i lena auaunaga. E le o taʻua ai le “faaputu” e mātua mo ni tagata se toatele o le aiga.

“Ia Taui Atu”

O lenei tausiga alofa i le vaega a mātua e le faapea o le a lē tauia. Ua faapea mai le aposetolo o Paulo i le 1 Timoteo 5:4: “Afai foi o i ai i se fafine ua oti lana tane ni ana tama po o fanau a ana tama, ia aʻoaʻoina ia latou ia muamua ona agalelei i lo latou lava aiga, ma taui atu i o latou mātua; auā o le mea lelei lea ma le mālie i luma o le Atua.” Ua matuā talafeagai lava ma le poloaiga a le Tusi Paia i le āva o se tasi i ona mātua po o le tausia o mātua po o le tausia o mātua ua matutua po o mātua o mātua.—Efeso 6:2; Esoto 20:12.

Ia matau foi sa manino lava le leʻi tuuina atu e Paulo o ni avega i aiga e vavamamao ina ia tausia fafine ua oti a latou tane. I tua i inā, i le tulaga sa leai ai ni aiga vavalalata e tausia se fafine Kerisiano o loo taʻuleleia ona o ana galega lelei, e tatau ona tauaveina e le faapotopotoga le aveaga tauave i le tausia o lenei fafine.—1 Timoteo 5:3, 9, 10.

O le aveaga tauave faa-Kerisiano i le “tausia o lona lava aiga” e mautinoa lava o le paaga faaipoipo a se tasi ma tamaiti, mātua ma mātua o mātua. O lea ituaiga o tiute tauave e faia lava e tusa pe o nei tagata e tausia e le talitonu pe lē lelei atoatoa foi i le tino. E faia pea a o ola i latou nei. Ma afai ua faaipoipo se tasi, atonu e oo lava ina aofia ai le fesaosoani atu i le paaga a se tasi ina ia āva i ona mātua. E masani lava ona auamaia ai faafitauli matuia tau faaipoipoga i nisi taimi pe afai e le amanaia lenei mataupu silisili pe lafoaia foi.

Saunia le A? Ma o Afea?

A e ui i lea, aua lava neʻi faaiʻua e mātua faapea e mafai lava ona faalu a latou ala manuia ma le faamoemoe e mafai i so o se taimi, ona tapā mea mai a latou fanau. E le uiga foi i lo latou tapā e aunoa ma le fetuunai o le uai mai o a latou fanau i se auala le talafeagai, o ē ua i ai fanau i se auala le talafeagai, o ē ua i ai o latou lava aiga o ē e tatau ona uai atu i ai muamua. O lenei vaaiga ua ōgatasi ma upu a Paulo: “Auā e le tatau ona faaputu oa e le fanau mo mātua, a o mātua mo fanau.”—2 Korinito 12:14.

I le faagasiloga masani o mea i le olaga, e mafai lava e mātua ona maua lo laua fale, mea totino, ma alā tupe maua (e aofia ai totogi o le litaea mai le kamupani po o le malo) e mafai ona la ola ai i le taimi o lo la tagata matutua. “O le tupe e mo le puipuiga,” ma e ala i lo ‘faaputu’ mo i laua lava ma le faautauta, e masani ai lava ona alofia ai e mātua le tuuina atu o ni avega mamafa tau tupe po o tau i faaalogona foi ia latou fanau mulimuli ane i le olaga.—Failauga 7:12.

Peitaʻi ua faamanatu mai foi upu a Solomona i le Failauga 9:11 i ai tatou faapea e tusa lava po o fuafuaga e sili ona lelei ua uma ona faataatia e gauaʻi atu lava i “le tausaga ma le mea e tupu ai.” O lea, e faapefea pe afai ua lē taulau fuafuaga lelei a se ulugalii, pe e manaomia foi se faaopoopoga? O le a uunaia loa la laua fanau matataʻu i le Atua e pei lava ona masani ai, e fesoasoani ia ialauai se auala talafeagai. O le uiga o lenei mea o le saunia lea o le fesoasoani tau tupe, valaaulia mātua e nonfo latalata atu pe nonofo foi ma i latou, po o le fuafuaina foi o se tausiga mai se fale e tausi ai tagata matutua pe afai e mafai. E moni e tatau lava ia mātua ua matutua po o mātua o mātua ona fetuutuunai, ia lē faa-talitalia le saunia e a latou o se ituaiga olaga saoloto ma le soonafai, auā ua fautua ma i le Tusi Paia: “Afai ua maua e i tatou o mea e aai ai ma mea e oofu ai, ia gata ai o tatou manaʻo.”—1 Timoteo 6:8.

I le tele lava o mea, e mafai e polokalama o le saogalemu lautele a le malo, penisione, tupe maua a tagata matutua, ma tupe teu a le tagata lava ia ona saunia mea e manaʻomia, ma lava ma totoe e tausia ai mātua matutua po o mātua o mātua. O se mea poto le saili po o a mea e manaʻomia ma tatau mo i latou o loo tatau i ai.—Roma 13:6.

Aloese mai Manatu Faa-Faresaio

Na faasala e Iesu le au tusiupu ma Faresaio ona sa latou fai atu i mātua o loo i ai le manaomia: “Ai se mea ua ia te au e aogā ia te oe, o le taulaga lea [i le Atua].” (Mataio 15:5, NW) I aso o Iesu, e tuu ese ai e taʻitaʻi lotu Siu tupe po o mea totino e fai mea alofa ai i le malumalu. Sa siitia ai e le au Faresaio le vaaiga faapea a tuuina atu loa nei mea, ua lē toe mafai loa ona faaaogāina i se isi mea po o se isi lava fuafuaga—e aofia ma le tuuina atu e tausia ai mātua ua matutua.

Sa taʻuvalea e Iesu lenei manatu faa-Faresaio e le talafeagai ma le agaga o le Tulafono a le Atua. I lana vaaiga, o le āva o se tasi i ona mātua e sili lea na i lo o tulafono e faia e tagata. E fapena aso nei, ua tuutoina atu e nisi Kerisiano o latou ola i le faiva, atonu po o auauna o se misionare, o ni paeonia, po o ni ovasia faimalaga. Ina ua latou iloa ua i ai i o latou mātua le manaomia, latou te taumafai malosi e saili ni auala e tausia ai o latou aiga, a o faaauau pea i la latou faiva. A e afai e lē mafai ona faia se faiga faapea i so o se auala lava, sa latou leʻi manatu e sili atu o latou faaeaga i le faiva na i lo o le āva i o latou mātua. E faamalo atu ai ma le mafana ia i latou nei ona o le faia o ni fesuaiaga i o latou olaga—e masani lava i le faataulagaina totino aupito sili—ina ia faafeataiaʻia ai o latou tiute tauave faaleaiga.

Ia Tatou Agalelei i Tagata Uma Lava

E ui o le avega tauave faale-Tusi Paia a se Kerisiano o le tausia o ē o ia ia le manaomia i o latou aiga, e lē o taofia ai foi le faaalia o le alofa i isi tagata o le aiga e toatele. I nisi taimi, o tausoga o tinā po o tuafafine o tamā, fanau tama ma teine a ou uso, po o fanau a tausoga o tamā ma tinā, e foliga e mafana mai e pei lava o ni tagata totino o le aiga! Ua faamalosiau mai le Tusi Paia ia i tatou ina ia “tatou agalelei i tagata uma lava.” (Kalatia 6:10) Afai e i ai se auala e fesoasoani ai se Kerisiano i se tasi o i latou na, e mautinoa lava ia aua neʻi “punitia lona loto alofa.” E moni o le a ia lagona lona tiute tauave o le fia fesoasoani.—1 Ioane 3:17.

E ui i lea, o le tiute tauave sili a le Kerisiano e agaʻi i lona aiga—le paaga faaipoipo, le fanau, mātua, ma mātua o mātua. O lea, e tatau ai ona ia manatunatu loloto a o leʻi faia se tiute tauave atonu e afāina ai i latou —i le itu tau tupe, faalogona, po o le faaleagaga.

O le fautuaga a le Tusi Paia e uiga i le tausia o aiga, e agalelei ma e fetuutuunai. O le faatinoina e mafai ai ona mapu se Kerisiano mai le tele o popolega lē tatau, ma e mafai foi ona fesoasoani ia te ia ia faataatia ni ana fuafuaga au i luma. E faia nei mea uma lava mo le viiga o Ieova, “le Tamā . . . o ia ua faaiogaina ai le le aiga uma o i le lagi atoa ma le lalolagi.”—Efeso 3:14, 15.

[Ata i le itulau 25]

O le tiute tauave sili a mātua Kerisiano e agaʻi i a latou lava fanau

[Ata i le itulau 26]

E mafai ona faalautele atu le avega tauave faa-Kerisiano agaʻi i mātua matutua atoa foi ma fanau a se tasi