Lomiga Faale-Tusi Paia I LE INITANETI
Lomiga Faale-Tusi Paia
I LE INITANETI
Faa-Samoa
ā
  • ā
  • ē
  • ī
  • ō
  • ū
  • ʻ
  • TUSI PAIA
  • LOMIGA
  • SAUNIGA
  • w92 1/1 itu. 9
  • Sa Oo ina Faamautinoaina i Laua i Kathmandu

Leai se vitiō o maua i lenei vaega.

Faamalie atu na iai se faalētonu i le kopiina o le vitiō.

  • Sa Oo ina Faamautinoaina i Laua i Kathmandu
  • Le Olomatamata Faasilasilaina le Malo o Ieova—1992
  • Mataupu e Taitutusa
  • “Na Pāʻia o Matou Loto i Lenā Faaaliga o le Alofa”
    Ala Mai!—2017
  • Tala Faatiokarate
    La Tatou Faiva o le Malo—1994
  • Ua Ou Maua se Faiā Lelei ma le Atua ma Loʻu Tinā
    Le Olomatamata Faasilasilaina le Malo o Ieova—2015
Le Olomatamata Faasilasilaina le Malo o Ieova—1992
w92 1/1 itu. 9

Lipoti a Ē Faalauiloa le Malo

Sa Oo ina Faamautinoaina i Laua i Kathmandu

NA AMATA e se fafine tusiata lana sailiga mo le upu moni i Brittany, i Falani, i le 1980. Sa ia faia ni ana talanoaga ma tagata lotu Penetekoso ma na ia suesue i lotu i Sasae—ae sa lē faamalieina ai. Ona ia faia lea o ni talanoaga ma se tasi o Molimau a Ieova ae leʻi umi lava ae taofi. Ona la feiloai lea ma se tasi tusiata tamaloa, ma na la galulue faatasi ma nonofo ai loa ma le tamaloa.

E leʻi umi se taimi talu mai lenei mea, ona filifili loa lea o le ulugalii lea e leʻi faaipoipo e asiasi atu i Nepal. Sa matuā faafiafiaina i laua i le matagofie ma le filemu o le nuu ae na lē fiafia ona o pulega lē faamasinotonu, na vaaia i faiga a le atunuu.

I le toe foi atu i Falani, ona fautua atu lea o le fafine i lana uo ina ia la suesue faatasi le Tusi Paia, ma o se mea na ofo ai o ia ona sa malie i ai lana uo. Sa la faafesootaia loa le Molimau o lē na faia ni talanoaga ma le fafine i le lua tausaga ua mavae. I le amataga sa la faaaogā na o le Tusi Paia, ae mulimuli ane na la malilie e faaaogā le tusi O Le Upu Moni E Taʻitaʻi Ai I Le Ola Faavavau ma mulimuli ane le tusi E Mafai ona E Ola e Faavavau i Parataiso i Le Lalolagi. I totonu o le tausaga e tasi, ae ua la taofia le toe tagofia o vailaau oona.

Ina ua mavae la la toe asiasiga i Nepal mo ni masina se lua, ona toe foi lea o le ulugalii i Falani, o i inā sa faaauau ai ona la suesue. Na la tuua le ulaula ma le ō atu i falepia ma amata ona auai i sauniga a Molimau a Ieova. Ae peitai, ina ua uma ona la suesue i le tusi Ola e Faavavau, ona la filifili lea e taofia la la suesuega.

Ona la toe ō atu foi lea i Nepal, o inā sa la nonofo ai i se tamai fale i lalo ifo o le atu Mauga o Himalaya. I se tasi aso na tuʻituʻi atu ai se toeaina, o loo ofu lona peleue ma le fusiua i lo la faitotoa. Sa na o le fafine i le fale, ma na manatu o ia atonu o se tagata faatau ata o loo alu atu e fia vaavaai i a la ata. Ua ofo le fafine ona o le toeaina, o se Molimau o loo asiasi atu e sui i le tagata lea na latou suesue i Falani. E leʻi umi lava ae toe foi mai lana uo i le fale, ma na faia ai se talanoaga mo le lua itula.

Ina ua mavae ni nai aso, ona auai atu loa lea o le ulugalii i sauniga a Molimau a Ieova i Kathmandu ma sa matuā faafiafiaina i foliga mamā o i latou na auai. Sa la matauina ai foi le alofa faaleuso ma le fiafia lea na la vaaia i sauniga i Falani. Na la matauina foi le autasi o tagata Nepal na auai, e ui lava o nei tagata e ō mai i talaaga eseese. Ua faamautinoa nei la ia i laua faapea, atonu o le faalapotopotoga lenei a Ieova.

I le mavae o se masina, na la toe foi atu ai i Falani ma toe amata loa la la suesuega faale-Tusi Paia ma auai i sauniga. Na la faaipoipo, amata ona fai se sao i le galuega talaʻi, ma na iʻu ina papatisoina i laua. Ua avea nei le tane ma auauna o le faiva, ma o lana avā ua auai e lē aunoa i le auaunaga o le paeonia lagolago. E moni, o i latou e iai le faanaunauga saʻo i o latou loto o le a fesoasoani i ai le agaga o Ieova ina ia agaʻi i luma ma oo ina avea ma ona tagata tapuai.—Faaaliga 7:15-17.

[Pusa/Faafanua i le itulau 9]

NEPAL

Faitau Aofai - 17,712,221

1990 Tumutumuga o le Au Talaʻi - 63

Aofai o Tagata i le Tagata Talaʻi 1 - 281,146

Faatatauga o Paeonia Talaʻi - 10

Aofaiga o Faapotopotoga - 1

Faatatauga o Suesuega Faale-Tusi Paia - 107

Ē na Auai i le Faamanatuga - 220

[Faafanua]

(Tagaʻi i le lomiga mo le ata atoa)

NEPAL

INITIA

[Ata i le itulau 9]

Vaaiga i le Maketi i Kathmandu, Nepal

    Lomiga Faa-Samoa (1971-2026)
    Log Out
    Log In
    • Faa-Samoa
    • Lafo Faamatalaga
    • Faapolokalame
    • Copyright © 2025 Watch Tower Bible and Tract Society of Pennsylvania
    • Aiāiga Faapitoa
    • Aiā Faaletulafono
    • Privacy Settings
    • JW.ORG
    • Log In
    Lafo Faamatalaga