Aiseā e Tatau ai Ona E Suʻesuʻe i le Tusi Paia?

O le Tusi Paia o le tusi lea e sili ona lauiloa i le lalolagi. E faigofie ona malamalama i manatu o loo iai, lea e aofia ai tala moni i olaga o tagata, ma le auala na latou feutagaʻi ai ma isi faapea le Atua. E tatou te aʻoaʻoina mai i nei tala le tele o lesona aogā. O faaupuga o loo faaaogāina e faigofie ma tuusaʻo, lea ua faaliliuina i le faitau selau o gagana e malamalama ai le toʻatele o tagata. Ua faamaonia foʻi le aogā o mataupu silisili o loo i le Tusi Paia.

O le itu e sili ona tāua ai le Tusi Paia, e lē gata o se tusi e faatatau i le Atua ae o se tusi foʻi e mai iā te ia. O loo taʻua ai lona suafa, o ona uiga, faapea lana fuafuaga e lē suia mo le lalolagi ma tagata. O loo faamatalaina ai foʻi se finauga ua leva ona iai i le va o le lelei ma le leaga, o se tala mataʻina e aafia ai le lalolagi atoa ma se iʻuga fiafia. O le faitauina o le Tusi Paia e aunoa ma le fesiligia o faamatalaga o loo iai, ua faataatia ai se faavae mautū mo lo tatou faatuatua ma lo tatou faamoemoe.

E na o le Tusi Paia e tatou te maua ai faamatalaga e lē o taʻua i isi tusi, e pei o upu moni e faatatau i mataupu nei:

• O lo tatou tupuaga ma le māfuaaga ua tatou mafatia ai

• Le sauniuniga a le Atua ina ia laveaʻiina le fanau a tagata

• O sauniuniga ua faia e Iesu mo i tatou

• Le lumanaʻi o le lalolagi ma tagata

E lelei pe a faaalu sina taimi e faitau ai i mataupu o loo sosoo mai, ma mātau po o le ā le feʻau moni o loo iai i le Tusi Paia.