O LE Ā LE MANATU O LE TUSI PAIA?
O le ā e tupu pe a tatou feoti?
E MANATU NISI e faaauau ona tatou feola mai i se isi tino, a o isi e mafaufau o le oti o le iʻuga lea o mea uma. Ae o le ā sou manatu?
LE MANATU O LE TUSI PAIA
“O ē ua oti, latou te lē iloa se mea.” (Failauga 9:5) Pe a tatou feoti, e tatou te lē o toe feola.
ISI MEA E TATOU TE AʻOAʻOINA MAI I LE TUSI PAIA
Ina ua oti le uluaʻi tagata o Atamu, sa toe foʻi atu i le efuefu. (Kenese 2:7; 3:19) O lea, o ē uma lava e feoti e toe foʻi atu i le efuefu.—Failauga 3:19, 20.
O tagata ua feoti ua magalo pe tuusaunoa mai i a latou agasala. (Roma 6:7) E lē toe iai se faasalaga mo se agasala a se tagata pe a oti.
Pe e toe feola mai ē ua feoti?
O LE Ā LAU TALI?
Ioe
Leai
Atonu
LE MANATU O LE TUSI PAIA
ʻO le a toetutū mai tagata.’—Galuega 24:15.
ISI MEA E TATOU TE AʻOAʻOINA MAI I LE TUSI PAIA
E masani ona faatusa e le Tusi Paia le oti i le moe. (Ioane 11:11-14) E fafagu e le Atua le tagata mai i le oti, e pei lava ona tatou fafaguina se tagata o loo moe.—Iopu 14:13-15.
O loo faamauina i le Tusi Paia tala e faatatau i tagata na toe faatutūina. O lea e tatou te talitonu maumauaʻi ai, o le a toetutū mai i latou ua feoti.—1 Tupu 17:17-24; Luka 7:11-17; Ioane 11:39-44.