Faatomuaga o Mekasini Iloga
1 O lomiga o Aperila ma Me o Le Olomatamata ma le Awake! o le a faatomuaina ai mataupu faaoso naunau i ē uma o loo sailia se lumanai fiafia. Mo se faaaʻoaʻoga, “O Ai O le a Taʻitaʻia le Fanau a Tagata i le Filemu?” ma le “Filemu i le Lalolagi—O le ā Lona Uiga Moni?” o mataupu na o Le Olomatamata faa-Peretania o Aperila 1 ma Aperila 15. O le a faatomua e Le Olomatamata faa-Samoa o Aperila 15 le mataupu: “Filemu—Pe o le a Oo mai e Ala i le Lafoaia o Auupega?” E toaitiiti tagata e iloa le tali saʻo i nei fesili. Peitai ua lē tuu masalosaloina i tatou e Ieova. (Amosa 3:7) E mautinoa, o le a mananao foi le faitau miliona o tagata loto faamaoni e maua se tali saʻo.
2 O le a aofia i lomiga o le Awake! mo Aperila ma Me mataupu “O ā Faamoemoega mo se Olaga Faafualoa?,” “Se Lalolagi Mamā—Pe O le a E Ola e Tagai Iai?,” ma “Se Lalolagi e Aunoa ma ni Fana—E Mafaia?” Pe e te ioe faapea e tatau i tagata i lau oganuu ona maua le avanoa e faitau ai nei lomiga?
SAO FAATELEINA
3 E tatau ona tatou fuafua nei e auai atoatoa i le tufatufaina o na lomiga iloga uma e o mai ia Aperila ma Me. Aiseā e le faia ai faatatauga e tuutoina se taimi tele na i lo e masani ai i le tufatufaina o mekasini? Faatasi ma nei lomiga fetaui ua iloiloina, e mafai ai ona tatou ofoina mekasini i le mautinoa ma le aasa.
4 O le ā o le a fesoasoani ia i tatou e faateleina a tatou mekasini e talia. E amata aʻi, e tatau ona tatou faitau maeʻaeʻa mekasini. O le tele o lo tatou faamasani ma mekasini, o le sili foi lea o lo tatou maelega o le a iai i le ofoina o i latou. A o faitauina, e tatau ona tatou taumafai e sue manatu e faamatilatila i mataupu eseese. O le ā o loo iai i mataupu taitasi atonu e faatosina i ai so o se ituaiga o tagata? E mafai ona tatou fesili ane ia i tatou lava: ‘O ai o le a sapaitalia faapitoa nei mataupu? O le ā e apili i se tuaoi, sē masani, se fai pisinisi, se tagata aʻoga, ma isi?’ Ina ia uigā moni, e tatau ona mafai ona tatou faia se fautuaina totino o mekasini e faavae i lo tatou iloa ma le olioli ona o mataupu fetaui.
FAATAATIA SE SINI TOTINO
5 Atonu e mananao nisi e faataatia se sini totino mo mekasini e talia ia Aperila ma Me. Afai e te faia faapea, ia mautinoa e talosagaina se faatelega talafeagai o lau ota mekasini. E ao ona faia loa lava lenei, aemaise pe afai o e fuafua e paeonia lagolago i na masina. I lea auala e mafai ai ona ota e le faapotopotoga mekasini faasili a o lava le taimi ina ia maua i latou pe a manaomia.
6 O le mea moni, e anoanoai auala e tuu ai mekasini e ese ai i le faiva mai i lea fale ma lea fale. E mafai ona tatou ofo mekasini i le molimau i auala ma a o asiasi i pisinisi. E toatele uso ua faavaeina ala mekasini. Pe a faia toe asiga i tagata fiafia, e mafai ona tuu ai lomiga fou. O le molimau lē fuafuaina o se auala sili ona lelei foi lea e avatu ai se molimau ma tuua ai mekasini. I nisi taimi tau a o le faaali iai o ō latou faavaa faatosina vaai ua lava lea e amata ai se talanoaga pe talia ai i latou.
7 Ia manatua o a tatou mekasini e ese. Ua latou faasino le ala i le filemu, fiafiaga, ma le ola e faavavau. (Ioane 17:3) O lea fuafua nei e olioli i gaoioiga faasili faatasi ma mataupu iloga o le a lomia i lomiga o Aperila ma Me o Le Olomatamata ma le Awake!