Mataala Pea ma la E Faautauta

¹ I le manatu atu i fesuiaiga o tulaga o le lalolagi, maeu le talafeagai ona faapea o le matua o le fonotaga matagaluega mo le tausaga faaleauaunaga 1991 o le “Ia tatou mataala, ma ia faautauta.” (1 Tesa. 5:6) O le a amata lenei faasologa ia Setema. O i tatou uma lava e ao ona faia sauniuniga e auai i le taimi lava e logo mai ai e le ovasia matagaluega le aso ia i tatou.

² O nisi o manatu matilatila o le polokalama e aofia ai se vaega faasolo e fa vala ua fuafuaina e fesoasoani ia i tatou ia ‘⁠faautauta i mea uma lava.’ (2 Timo. 4:5) E ui i se matuā lē faautauta i le taimi ua tuanai, e mafai faapefea ona tatou taulau nei i le alofia o mailei a Satani ma teena le agaga o le lalolagi? Faamautinoa ia aua neʻi misia lenei faamatalaga tāua. I aso uma e lua o le fonotaga, o le a taulai atu ai foi o tatou manatu i fautuaga faatino ua i ai i le lomiga o le Questions Young People Ask—Answers That Work. Atonu e te finagalo e te sau ma aumai lau tusi. Ae maise lava o le a mananao le au talavou e uai faapitoa atu i faamatalaga o le a faasino ia i latou e le ovasia matagaluega i le Aso Toonai. E pei o le tu masani, o le a i ai faatatauga mo le papatisoga i le Aso Toonai, o lea o i latou e faanaunau e faailoga lo latou tuuina atu i le fonotaga matagaluega e ao ona faailoa atu i le ovasia taʻitaʻi a o mamao i le vave e mafai ai.

³ I le taeao o le Aso Sa o le a ave i fale ai lesona tāua i se faasologa o faataʻitaʻiga e folasia ai pe mafai faapefea ona tatou maua aogā mai faalavelave, e aofia ai a tatou lava mea sese. I le aoauli o le a aaoina ai e le ovasia itumalo se lauga mo le lautele i le mataupu “Gaoioi ma le Atamai i se Lalolagi Lē Faautauta.” E ao i tagata talaʻi uma o le Malo ma tagata naunau ona faia taumafaiga uma e auai.

⁴ Ona o loo faaauau pea ona saputu mai omiga o le olaga, matou te talitonu o le a utufia e tagata uma aogā ma faafouina mai lenei mataupu ua saunia mo le faalaeiauina o i tatou. O le a tatou tagai ai i auala e mafai ona tatou mataala atili ai i o tatou manaoga faaleagaga atoa ma ō tatou aiga ma isi i le faapotopotoga. Ia maumauai e auai mo le fonotaga matagaluega atoa ma uai atu pea a o faagasolo le polokalama, “auā ua latalata nei ia te i tatou le ola, sa mamao ina o tatou uluai faatuatua.”—Roma 13:11.