Āva i Lē na Foafoaina Mea Uma
1 I le gasologa mai o senituri, sa taumafai ai Satani e faatauaso le fanau a tagata i le upu moni. (2 Kori. 4:4) Ua ia faia faapea e ala i aʻoaʻoga sese e uiga i le Atua, le tofi o Iesu Keriso, le tulaga o ē ua oti, le lumanai o le laueleele, ma le tala o le evolusione. O ia aʻoaʻoga sese ua asaina ai le ala mo fetauaiga ma taua, feusuaiga lē mamā, ma ituaiga uma o solitulafono. O ai o le a lapataia le fanau a tagata e faatatau i le mataʻutia o ia aʻoaʻoga malaia?
2 O le a tatou faia faapea, i le masina o Setema, ona o le a tatou tiotio ai e folafola le tulaga faalefoafoaga o Ieova ma le auala e tapuai ai ia te ia i le upu moni. I le faiva i lea fale ma lea fale, le galuega i magaala, malologa i galuega totogi, ma i aʻoga, o le a tatou faatomuaina ai le tusi E mafai ona E Ola e Faavavau i Parataiso i Le Lalolagi. Tatou te faanaunau ia iloa e tagata uma pe faapefea ona taʻu faatauvaaina e aʻoaʻoga sese Lē na Foafoaina le fanau a tagata.
AVATU SE MOLIMAU UIGĀ
3 A molimau lē fuafuaina pe i lea fale ma lea fale, atonu e te manao e amata se felafolafoaiga i le tāea o tala faalevaiaso e faatatau i mea tutupu i le lalolagi po o talitonuga eseese o tapuaiga. E toatele tagata ua lē faamalieina i mea o loo faia e lotu pe ua fenuminumiai i aʻoaʻoga lavelave. E ui ina atonu o fai i latou ma sui o se ekalesia, latou te lē ʻilafia po o ai e tapuai i ai ma e masani lava ona feaveaia Ieova le Atua ma Iesu Keriso. I le faaaogāina o le Faaaliga 4:11, e mafai ona e folasia ai Ieova o Lē na Foafoaina i tatou ua na o ia e tatau ona tatou tapuai i ai. Faitau le mau ma faaopoopo puupuu i ai.
4 Ona e toatele tagata tatou te talaʻi i ai e mapo lotu, e mafai ona e tautalagia le tāua o le faamautinoaina faapea o loo ōgatasi la tatou tapuaiga ma le upu moni, pe afai tatou te faafiafiaina le Atua. Faamamafa faapea o le tapuai i “le upu moni” e na o lea le ituaiga e taliaina e le Atua. E mafai ona tataʻi manatu i le Ioane 4:23, 24. A maeʻa ona faitau le mau, atonu e manao le tagata e faaleo mai ia lava e uiga i le mataupu. E mafai ona e ta aofaia se manatu iloga pe lua mai le tusi Ola e Faavavau ma, afai e talafeagai, faalaeiau o ia e faitauina.
I AʻOGA
5 A o amata le vaituuaga fou o aʻoga, o le a mananao outou auauna talavou uma a Ieova e autaluina a outou tusi Ola e Faavavau ma iloiloina auala e faamataʻai ai aumea aʻoga ma faiaʻoga i le tusi. Ua iloa e nisi faapea tau a o le tuu o le lomiga i luga o a latou kesi e taloina ai talanoaga. O isi na oo atu i faiaʻoga ma ē o pulea aʻoga e uiga i mataupu eseese i totonu o le tusi ma na mafai ai ona tufatufaina se numeara tele o tusi i lena auala.
6 Tatou te olioli uma lava i le faamoemoe o le ola i se lalolagi o le a āva ai tagata uma ia Ieova. I le Faaaliga, sa maimoaina ai e Ioane ni meafaiola agaga uiga ese o loo ifo i luma o Ieova ma taʻutaʻu atu, “[Ieova e, NW] e tatau lava oe ina ia tuu atu ia te oe le viiga, ma le faaneeneega, ma le mana, auā na e faia mea uma lava, ona o lou finagalo foi e i ai i latou ma ua faia.” (Faaa. 4:11) Talosia ia tatou ʻalagaina pea na afioga i la tatou faiva ia Setema!