Pusa Fesili

◼ Pe ao i le faapotopotoga ona tausia se faila o La Tatou Faiva o le Malo?

I le lomiga o le Faiva o le Malo faa-Peretania o Me 1972 (mo le Iunaite Setete), na faasino mai ai faapea, e lelei pe a tausia i le potu tusi o le Maota o le Malo se faila mo lomiga faalemasina o La Tatou Faiva o le Malo mo le mauaina ai o faamatalaga. Ua faaauau pea ona talafeagai le tausia o sea faila i potu tusi taitasi o Maota o le Malo mo le faaaogāina e toeaina atoa ma tagata talaʻi.

Ona o le iai o sea faila, e mafai ai e tagata talaʻi ona suʻe i mataupu ua mavae, o loo feagai ma taulimaga o le auaunaga i le fanua, faafoeina o suesuega faale-Tusi Paia, faia o toe asiga, ma isi itu. E mafai foi ona maua ai ni manatu lelei e faaaogā i le faiva. Mai lea taimi i lea taimi, e faasino atu ai e lomiga fou o La Tatou Faiva o le Malo i lomiga sa lomia a o leʻi ō mai nisi o uso i le faapotopotoga. E mafai ona maua aogā e ē fou faatoʻā auai pe afai o loo tausia sea faila. E mafai ona faaaogā se tasi o faila fou ua fuafuaina o Le Olomatamata e teu ai kopi tuai o La Tatou Faiva o le Malo i le Maota o le Malo.

E ao i toeaina ona tofia, a lē o le ovasia o le Aʻoga o le Faiva Faatiokarate po o se auauna agavaa o le faiva e faamautinoa ua tuu uma i ai kopi o masina taitasi i lena faila. E ui ina tauaaoina mai faamatalaga i La Tatou Faiva o le Malo e ala i ni faufautuaga, ae lē o ni tulafono tumau, ae o loo avea pea ma puna matagofie e suʻe i ai faamatalaga, lea e ao ai ona fai ma vaega o le potu tusi i le Maota o le Malo a faapotopotoga taitasi. Peitai, e lē mafai ona ota lomiga tuai o La Tatou Faiva o le Malo mai Brooklyn.