Pusa Fesili

◼ O le ā e ao ona manatuaina pe a tusia ni tusi ia i latou na lei mafai ona tatou maua atu i fale?

E eseese mafuaaga ua tatou iloa ua tele ai ina faigata ona faafesootaia tagata pe a tatou asiasi atu i o latou fale. O nisi tagata talaʻi ua latou iloaina o le tusia o tusi o se tasi lea o auala aogā e faafesootaia ai i latou. A o mafaia e lenei mea ona aumaia ai ni iuga lelei, ua iai se manaoga e iloiloina ai nisi o fautuaga e mafai ona fesoasoani ia i tatou e alofia ai nisi o faafitauli:

Aua neʻi faaaogaina le tuatusi a le Sosaiete. Atonu e faaalia ai ma le lē saʻo e lenei tulaga e faapea o tusi na auina atu sa aumai i a tatou ofisa, e tulai mai ai faafitauli lē manaomia ma o nisi taimi e faaopoopo ai tupe faaalu.

Ia mautinoa ua ia te oe le tuatusi saʻo o lē ana le fale ma ua lava faailoga e lafo ai le tusi.

Aua neʻi faatuatusiina tusi faapea mo “Lē e Ona le Fale”; ae ia faaaogā se igoa patino.

Aua neʻi tuuina tusi i lalo o le faitotoa pe afai e leai se tasi o i le fale.

E sili ona lelei tusi pupuu. Ia tuu i ai se sāvali po o se mekasini nai lo le fuafua e tusia se tusi umī.

O tusi e taina i le laau lomitusi e sili atu ona faigofie le faitauina ma maua mai ai se tali lelei.

O tusi e lē tauina o ni toe asiga seʻi vaganā na e molimau totino muamua i le tagata.

Afai o loo e tusi atu i se tagata na faaalia muamua lona fiafia, e tatau la ona e saunia se tuatusi po o le numera o le telefoni ina ia mafai ona toe faafesootaia ai oe. Faamatala la tatou polokalame o suesuega faale-Tusi Paia.

Valaaulia i sauniga a le faapotopotoga o i lea oganuu. Ave i ai le tuatusi ma taimi o sauniga.

Aua neʻi faaauauina le auina o tusi i aiga e lē o iai nisi pe a uma ona faafoi le faafanua; o le tagata talaʻi lea ua tausia le oganuu e paʻū i ai le avega tauave mo le galueaiina.