O le a Tatou Suesueina le Tusi, Fiafia i le Aiga

O le a e fiafia e iloaina e faapea, e amata atu i le vaiaso o Oketopa 6, 1997, o le a tatou suesueina ai le tusi, Le Ala e Maua ai le Fiafia i le Aiga i Suesuega Tautusi a le Faapotopotoga. O le a leai se tasi e manao e misia le suesuega a le vaega e uiga i lenei taiala aogā faale-Tusi Paia mo se olaga fiafia faaleaiga. O le faasologa o le suesuega, o le a mafai ai ona suesueina maeʻaeʻa palakalafa uma faapea ma mau faale-Tusi Paia i le tusi.

O le uluai mataupu atoa lava o le a suesueina i le vaiaso muamua o le suesuega, talu ai e itiiti ni mau o loo taʻua ai. O le mafuaaga lava foi lea, o le a talanoaina ai le mataupu e 15 i le suesuega e tasi. Ae peitai, o isi mataupu uma o le a vaevaeina i ni vaega se lua, pe tusa o le ʻafa o le mataupu o le a talanoaina i vaiaso taitasi. I lea, o le a lava ai le taimi e faitau ma talanoaina ai mau o loo taʻua ai faapea ma le iloiloina ma le faaeteete o le faatatauga o mau uma o loo sii mai ai i palakalafa taitasi.

O se vala tāua o le suesuega, o le talanoaina lea o le mataupu i le pusa e aʻoaʻoina ai i faaiuga o mataupu taitasi. O lea la, e ao ona lava se taimi e talanoaina ai fesili ma mau o loo taʻua i le pusa.

Ua faalaeiauina le au faisuesuega o Suesuega Tautusi ina ia uaʻi faapitoa atu i a latou sauniuniga mo le suesuega ma ia faalaeiau foi i tagata uma ua tofia atu i la latou vaega, e aofia ai ma ē fou, ina ia sauniuni lelei, auai e lē aunoa, ma ia faia ai se sao.—om 74-76.