Le Aʻoga o le Faiva Faatiokarate mo le 1998
O le iai i le aʻoga, o lona uiga o le “aʻoaʻoina po o le tuuina o se mea i le mafaufau e ala i se poto faapitoa po o se tomai.” E ala i le Aʻoga o le Faiva Faatiokarate, ua toleniina ai pea i tatou i le poto e uiga i le Atua. O le faia ai foi o sa tatou vaega i lenei aʻoga, ua mafai ai ona faaleleia o tatou tomai e tāutala ai ma aʻoaʻo atu. O le polokalame o le aʻoga mo le 1998, o le a tatou maua ai le tele o avanoa e agaigai atili ai i luma faaleagaga.
A o e iloiloina le faasologa mo le aʻoga i le tausaga fou, o le a e matauina ai, o nisi taimi o le a faavae ai le Lauga Nu. 3 i se tagata i le Tusi Paia e pei ona maua i tusi o le Insight. E lē gata i lea, ua faaopoopo atu foi i ai ma le tusi o le Fiafia i le Aiga i tusi aʻoga mo le 1998, ma o le Lauga Nu. 3 ma le Nu. 4 o le a talanoaina faasolosolo ai. Pe afai e faavae le Lauga Nu. 4 i le tusi, Fiafia i le Aiga, e tatau ona taulimaina e se uso le tofiga lea, o se lauga e fai atu i le faapotopotoga. Ma, e faamanatu atu, e lē tatau i se tasi e faia se vaega i le polokalame o le aʻoga ona ovataimi.
O se Vala Fou: Mo lo tatou lava lelei totino, ua faia ai se “Faasologa Faaopoopo mo le Faitau Tusi Paia” i vaiaso taitasi, ua faailoga atu i puipui na e mulimuli mai i le numera o le pese. E ui lava e leai ni vaega o le polokalame faalevaiaso o le aʻoga e faia mai ai, ae ia fai ma ou sini ina ia mulimuli ai. O le a mafai ai i lenei faasologa ona fai ma au masani le faitauina o le Tusi Paia i aso taitasi pe afai e te lē o faia faapea.
Mo nisi faamatalaga atili e uiga i tofiga, fautuaga, ma autaluga tusia, faamolemole ia faitau lelei ia faatonuga na e maua i le Faasologa o le Aʻoga o le Faiva Faatiokarate mo le 1998,” faapea ma le itulau e 3 o La Tatou Faiva o le Malo o Oketopa 1996.
Afai e lei tusia lava lou igoa i le Aʻoga o le Faiva Faatiokarate, matou te valaaulia oe ina ia tusia nei loa lou suafa. O lenei aʻoga tutasi o loo faaauau pea ona faia sana vaega tāua i le toleniina o auauna lotomaulalo ma tuutoina a Ieova ina ia atili ai ona agavaa lelei e avea o ana faifeau.—1 Timo. 4:13-16.