Pusa Fesili

◼ O ā lomiga e tatau ona tatou suesueina ma ē fou a o lei papatisoina i latou?

A o lei tuuina atu e se tasi lona ola ia Ieova ma oo ina papatisoina, e tatau ona ia ave i fale le poto saʻo. (Ioa. 17:3) O le a ia maua faamatalaga o loo ia manaomia e ala i le suesueina uma o le polosiua, O le ā e Manaomia e le Atua Mai ia i Tatou? ma le tusi, Le Poto e Taʻitaʻia ai i le Ola e Faavavau. I le tele lava o tulaga, e muamua ona suesueina le polosiua o le Manaomia. Ae peitai, afai na amata le suesuega i le tusi o Le Poto, e tatau la ona suesueina le polosiua o le Manaomia pe a maeʻa le tusi. Aisea e tatau ai ona faia o lenei mea?

Ua saunia e le polosiua o le Manaomia se aotelega o aʻoaʻoga faavae o le Tusi Paia. Afai la e suesueina muamua, o le a avatu ai i le tagata suesue se malamalamaga faavae o mea e manaomia ina ia faafiafia ai Ieova. Afai e suesueina mulimuli, o le a avea o se autaluga lelei o mea na aofia i le talanoaina o le tusi o Le Poto. I na tulaga uma, ia faalaeiau le tagata suesue ina ia suʻe uma mau e lagolagoina ai ma mafaufau loloto i ai. Ia mautinoa ua faamatilatila ata, ona o ni fesoasoani aogā ia i le aʻoaʻoga.—Tagai i Le Olomatamata, Ianuari 15, 1997, itulau 16-17.

Pe a uma loa le suesuega a se tagata suesue o le Tusi Paia i lomiga na e lua, atonu ua mafai loa ona ia taliina fesili uma o le a ia autaluina ma toeaina a o sauniuni atu mo le papatisoga. Afai ua uma ona faia faapea, atonu la ua lē tatau ona toe faia se suesuega aloaia ma ia i se isi lomiga, e ui lava e tatau i le faisuesuega ona faaauau pea ona naunau mo lona agaigai i luma.—Tagai i Le Olomatamata, Ianuari 15, 1996, itulau 14, 17.