Pusa Fesili

◼ O ai e tatau ona mauaina se pine o le tauaofiaga itumalo?

O pine o le tauaofiaga, e mafai ona matuā aogā mo le faailoaina o o tatou uso ma i le faasilasilaina o le tauaofiaga. Ae peitaʻi, e lē tatau ona tufaina atu i so o se tasi. E faailoaina e nei pine i latou o loo tauaveina e faapea o ni tagata e lelei o latou tulaga i se faapotopotoga patino a Molimau a Ieova.

O lenei pine o loo iai le avanoa e tusia ai le suafa o le tagata ma le igoa o le faapotopotoga. O lea la, e tatau ona lava se taimi e aufaatasi ai lea tagata ma lena faapotopotoga. E auina atu e le Sosaiete se sapalai o pine i faapotopotoga taʻitasi. O le a talafeagai ona tuu atu se pine i tagata talaʻi taʻitoʻatasi ua papatisoina ma tagata talaʻi e leʻi papatisoina. E faapena foʻi ona mafai ona maua se pine e tamaiti ma isi o ē auai pea e lē aunoa i sauniga a le faapotopotoga ma o loo agaʻigaʻi i luma i le faia o se sao i le faiva i le fanua. O le a lē talafeagai ona tuuina atu se pine o le tauaofiaga i se tagata faateʻaina.

A maua ia pine, e ao i le ʻautoeaina ona tagaʻi lelei ua tufaina atu e ōgatusa ma nei taʻiala.