Aʻoaʻoina Mai le Vitiō The Bible—Accurate History, Reliable Prophecy
Pe a uma ona matamata i lenei vitiō, pe mafai ona e taliina fesili nei? (1) O ai le Puna o faamatalaga maufaatuatuaina i le Tusi Paia? (Tani. 2:28) (2) Ua faapefea ona faamatala mai ma le saʻo aʻiaʻi e le Tusi Paia ia Aikupito anamua, ma na faapefea ona faataunuuina moni le valoaga o loo faamauina i le Isaia 19:3, 4? (3) Ua faapefea ona faamaonia mai e suʻesuʻega i toēga o mea anamua i le eleele le faamatalaga a le Tusi Paia e uiga i tagata Asuria, o latou tupu, ma le iʻuga o Asuria? (Nau. 3:1, 7, 13) (4) O ā valoaga e faatatau ia Papelonia ua faamaonia e maufaatuatuaina? (5) O le ā le aafiaga malosi sa faia e Metai ma Peresia i tagata o le Atua? (6) Na faapefea ona faataunuuina le Tanielu 8:5, 8, ma o le ā le mamao i le lumanaʻi na faia ai lenei valoaga? (7) Na faapefea ona faamaonia o Iesu o le Mesia moni? (8) O ai malo faapolotiki malolosi o aso nei e faataunuuina valoaga na o loo maua i le Faaaliga 13:11 ma le 17:11? (9) O ā vaaiga i le vitiō e faamaonia ai le moni o le Failauga 8:9? (10) Ua faapefea i lenei faaaliga ona faamalosia ai lou talitonuga i folafolaga a le Tusi Paia e uiga i le lumanaʻi? (11) E mafai faapefea ona e faaaogā lenei meafaigaluega e faatalitonu ai isi e faapea e iai se amataga tauatua o le Tusi Paia?