The Bible—Accurate History, Reliable Prophecy

O ā faamaoniga e faaalia ai le saʻo lelei o le Tusi Paia e tusa ai o le talafaasolopito? O ā valoaga o le Tusi Paia ua faataunuuina lea ua tatou talitonu ai, o le a faapena foʻi ona faataunuuina moni valoaga i le lumanaʻi? O fesili nei o loo talanoaina i le ata vitiō The Bible—Accurate History, Reliable Prophecy, o le faaaliga lona tolu o loo maua i le DVD The Bible—A Book of Fact and Prophecy. Pe a māeʻa ona e matamata i le vitiō lenei, pe e mafai ona e taliina fesili nei?

(1) O ai le Puna o faamatalaga maufaatuatuaina o loo i le Tusi Paia? (Tani. 2:28) (2) O faapefea ona faamatala saʻo mai e le Tusi Paia le tulaga sa iai Aikupito anamua, ma na faapefea ona faataunuuina moni le valoaga o loo faamauina i le Isaia 19:3, 4? (3) Ua faapefea ona faamaonia mai i suʻesuʻega i toega mea mai anamua, le moni o le auala o loo faaāta mai ai e le Tusi Paia le faaumatiaga o tagata Asuria, o latou tupu, ma le atunuu atoa? (Nau. 3:1, 7, 13) (4) O ā valoaga e aafia ai Papelonia ua faamaonia le maufaatuatuaina? (Iere. 20:4; 50:38; 51:30) (5) O le ā le valoaga e faatatau iā Metai ma Peresia na faataunuuina moni lava? (Isa. 44:28) (6) Na faapefea ona faataunuuina le Tanielu 7:6 ma le 8:5, 8 e faatatau iā Eleni? (7) Na faapefea ona faataunuuina le Tanielu 7:7 ina ua tulaʻi mai Roma e avea ma malo malosi e pulea le lalolagi? (8) O ai Kaisara ia o loo taʻua i le Tusi Paia? (9) O le ā na tupu i Kerisiano i le taimi o le pulega a Nero? (10) Na faapefea ona faataunuuina valoaga o loo i le Faaaliga 13:11 ma le 17:10? (11) E faapefea ona mātaulia le tupu lona valu? (12) O ā ni vaaiga i le vitiō o loo faamaonia ai le moni o le Failauga 8:9? (13) O ā valoaga o loo e nofo naunau atu e fia vaai i le faataunuuina i le lumanaʻi? (14) E faapefea ona e faaaogā lenei ata vitiō e fesoasoani e faatalitonu ai se tasi o le Tusi Paia e mai le Atua?