Ati Aʻe le Talisapaia mo le Vitiō, The Bible—Mankind’s Oldest Modern Book
O fesili ia o loo mulimuli mai, ua faamatilatila ai manatu atonu sa e mātauina a o e matamata i lenei vitiō: (1) O ā mea moni ua iloga ai le lē mafaatusalia o le Tusi Paia? (2) Ia aumai se faaaʻoaʻoga e iloa ai le auala ua ōgatusa ai le Tusi Paia ma le faasaienisi i aso nei e ui lava o se tusi ua leva. (3) E mafai faapefea ona tatou mautinoa e lē o suia le Tusi Paia i aso nei mai i uluaʻi tusitusiga? (4) O le ā se vala iloga o manusikulipi anamua o le Tusi Paia, ma o le ā le mautinoa ua faatupuina e lenei mea ia te oe? (5) O ā auala na saosaolaumea ai Ioane Uikilifi, Johannes Gutenberg, Viliamu Tiniteli, Mary Jones, ma Charles Taze Russell i le faasalalauina o le Afioga a le Atua i le lalolagi aoao? (6) Na faapefea ona matuā teena e le lotu le Tusi Paia, ae o le ā ua mafai ona faasaoina mai ai e oo mai lava i o tatou aso? (7) O le ā le tele ua faaliliuina ma saunia ai e le faalapotopotoga a Ieova le Tusi Paia? (8) Ua faapefea ona fesoasoani fautuaga talafeagai a le Tusi Paia i tagata e faafetaiaʻia ai faafitauli tau i le malosi o le pelē tupe (1 Timo. 6:9, 10), le teteʻa o ulugalii ma le lē faamaoni i le faaipoipoga (1 Kori. 13:4, 5; Efe. 5:28-33), faapea le soona pupū i ʻoa faaletino (Mata. 16:26)? (9) O ā faamaoniga o iai e faapea, o le faatatauina o mataupu silisili o le Tusi Paia e mafai ona foʻia ai le feitagaʻi i le vā o atunuu, ni vaega o le atunuu, ma le vā o lanu i le lalolagi? (10) O ā ni auala ua mafai ona e maua ai le fiafiaga sili mai i le aʻoaʻoina o le Tusi Paia? (11) O ai e te manatu o le a aogā i ai lenei vitiō, ma o le a faapefea ona e faailoa atu lenei vitiō ia i latou?