O Ou Lagona e Uiga i le Vitiō The Bible—Its Power in Your Life

I le taliina o nei fesili, ia faailoa mai ou lagona loloto e uiga i le feʻau o loo iai i lenei vitiō. (1a) O le ā ua faamalosia ai le faitau miliona o tagata e faia suiga ma faaleleia ai o latou olaga? (Epe. 4:12) (1e) O le ā ua mafai ai ona maua lenei malosi ma faatatauina i le olaga o se tagata? (2) O ā mau o le Tusi Paia na taʻua ai e fesoasoani i paaga faaipoipo (a) ia faaleleia a latou fesootaʻiga ma (e) ia pulea lo latou ita? (3) Ua faapefea i le vaaiga faa-Kerisiano e uiga i faaipoipoga ona suia olaga faaleaiga i se tulaga e sili ona lelei? (Efe. 5:28, 29) (4) Ua faapefea ona faataatia e Ieova le Atua se faaaʻoaʻoga lelei atoatoa i le avatua i fanau o mea e tolu o loo latou manaʻomia ma mananaʻo uma i ai, ma e mafai faapefea e mātua i aso nei ona faia o lena lava mea? (Mare. 1:9-11) (5) Aiseā e tatau ai i mātua ona aʻoaʻo e i latou lava a latou fanau i le Tusi Paia, ma o le ā e faaalia ai le manaʻomia ona faia faapea e lē aunoa? (Teu. 6:6, 7) (6) E mafai faapefea ona faia e mātua le suʻesuʻega faaleaiga o se mea e fiafia ai? (7) E ese ai mai le suʻesuʻega faale-Tusi Paia, o le ā le isi mea ua uunaʻia ai e le Afioga a le Atua mātua ina ia saunia mo a latou fanau? (8) Ua mafai faapefea ona fesoasoani fautuaga a le Tusi Paia i aiga ina ia maua mea e ola ai i le itu tau tamaoaiga? (9) Pe a faatatauina, o ā mataupu silisili faale-Tusi Paia ua fesoasoani i le faaitiitia o faafitauli tau i le soifua mālōlōina? (10) Ua faapefea ona suia e mataupu silisili o le Afioga a le Atua lou olaga? (11) I le matamataina o lenei vitiō, aiseā atonu o le a faalaeiauina ai se tasi e masani ona e asia i le faiva e talia se suʻesuʻega faale-Tusi Paia?