Se Vaaiga Faatalafaasolopito i le Vitiō, The New World Society in Action

A o e matamata i le faaaliga o lenei vitiō, le ata na saunia i le 1954, seʻi manatunatu i tali o fesili nei: (1) Aiseā na uluaʻi saunia ai lenei ata i le amataga, ma o le ā le mea na faataunuuina ai? (2) O ā mataupu e lomia ma faasalalauina e Molimau a Ieova, e mo ai, ma aiseā? (3) Ua faapefea ona faatusatusa le faasalalauina atu o le mekasini o le Olomatamata i aso nei ma le tulaga na iai i le 1954? (4) I tausaga talu ai nei, ua faapefea ona faaleleia atili le lomiaina o a tatou tusi e tusa ai o faiga faaonapōnei? (5) O le ā na faafiafiaina ai oe e uiga i le tauaofiaga faava-o-atunuu i le 1953 lea na faia i Yankee Stadium? (6) O le ā le Aai o Taavale Toso (Trailer City), ma o ā ni mea iloga na e mātauina e uiga i lea mea? (7) O le ā ua faaalia ai o la tatou galuega e lē o faia na o se atunuu e tasi, se lanu e tasi, po o se gagana e tasi? (8) O ā auala ua e lagona ai le agaga alofa lea o loo faagaoioia ai le faalapotopotoga a Ieova? (Sala. 133:1) (9) O ai e te manatu o le a fiafia e matamata i lenei talafaasolopito o gaoioiga a le sosaiete o le lalolagi fou i tausaga o le 1950?