Le Tala e Fai Atu e Uiga i Mekasini

Le Olomatamata Nove. 1

Pe a uma ona taʻua se tala e faateʻia ai mai tala fou, ona fesili atu lea: “Aiseā ua faia ai e tagata na mea leaga? E ao iā i tatou uma lava ona iloa le saʻo mai le sesē, ae o loo faia pea e tagata mea leaga. Aiseā? [Pe a uma ona fai mai se tali, ona faitau lea o le Faaaliga 12:9.] Ua faamatalaina e lenei mekasini le auala e puipuia ai i tatou e ala i le leoleomaluina o o tatou lotofuatiaifo.”

Awake! Nove. 8

“Atonu e te ioe o lea ua tatou ola i taimi o faiga sauā. [Pe a uma ona tali mai, faitau le 2 Timoteo 3:3.] E masani lava ona tutupu gaoioiga “faasaua” e oo lava i totonu o le aiga. O le mataupu lenei, ‘Fesoasoani mo Fafine ua Fasia Faamoʻamoʻa,’ (Help for Battered Women) o loo aumaia ai se feʻau o le faamoemoe. Atonu o loo e iloaina se tasi e mafai ona e fesoasoani atu i ai e ala i lenei mataupu.”

Le Olomatamata Nove. 15

“Ua tatou faalogo i faaupuga e faapea ‘E faaolaina e Iesu’ po o le ‘Na maliu Iesu mo i tatou.’ [Sii le Ioane 3:16.] Po o e tau manatu pe e faapefea i le maliu o se tagata e toʻatasi ona faaolaina ai i tatou uma? [Faatali mo se tali.] Ua aumaia i le Tusi Paia se tali faigofie. I lenei mataupu, ‘E Faaolaina e Iesu—E Faapefea?,’ ua faamatala manino mai ai le tali.”

Ala Mai! Oke.-Tese.

E maofa lava tagata e asiasi maimoa mai i le Atu Samoa ona o le tele o falesā i inei. E tele falesā e mafai ona vaaia a o faimalaga atu mai le malae vaalele i Apia. Ae o anafea na amata ai falesā? Pe e manaʻomia falesā ina ia tapuaʻi atu ai i le Atua? Ma aiseā ua avea ai falesā ma avega mamafa i o latou tagata lotu? [Faaavanoa se taimi mo se tali.] O le a e matuā fiafia lava e faitau i lenei mataupu, aemaise lava pe afai o oe o se tagata aʻoga o le Tusi Paia.