E Mafai e Tagata Uma Lava Ona Aʻoaʻoina Mai i le Vitiō o Noah—He Walked With God
Ia faitau pe autalu le Kenese 6:1 e oo i le 9:19. Ona matamata lea o le vitiō o Noah, ma mafaufau pe faapefea ona e taliina nei fesili: (1) Na faapeʻī le lalolagi i aso o Noa, ma na faapefea ona oo i lenā tulaga? (2) O le ā na māfua ai ona tulaga ese Noa, ma o le ā le galuega na tuuina atu e le Atua iā te ia ina ia fai, ma aiseā? (3) O fea atonu na fauina ai le vaa, ma o le ā le umi na alu ai, ae o le ā foʻi lona telē? (4) E ese mai le fausiaina o le vaa, o le ā le isi mea na tatau ona faia e Noa ma lona aiga? (5) E te manatu na faapeʻī totonu o le vaa ina ua tapunia le faitotoʻa? (6) Pe faamata o le ā sou faalogona pe a faapea o oe lea ua faasaoina mai le Lolo? (7) O le ā o loo faamanatu mai iā i tatou e faatatau i le Lolo i taimi tatou te vaai i ai, ma o le ā lona uiga? (8) O le ā ua e aʻoaʻoina mai i le tala o le Tusi Paia iā Noa e faatatau iā te oe, o lou aiga, ma le galuega ua tofiaina ai i tatou e le Atua e fai? (9) O ā fesili e te manaʻo e fesili atu ai iā Noa ma lona aiga pe a e feiloaʻi atu iā i latou i le Parataiso? (10) O le ā le auala o loo e fuafua e faaaogā i ai le vitiō o Noah i le taimi nei?