Le Tala e Fai Atu e Uiga i Mekasini

Le Olomatamata Ape. 1

“Seʻi ou faailoa atu iā te oe se manatu faamāfanafana loto mai le Tusi Paia. [Faitau Mataio 22:37.] E te manatu o le ā lona uiga? [Tuu le avanoa mo se tali.] Mātau le mataupu lenei, ‘Saʻili i le Atua ma Lou Loto ma le Mafaufau.’ Po o le faatuatua moni e na o le loto e aofia ai, pe e tatau ea foʻi ona aofia ai ma le mafaufau? Ua faamalamalamaina mai e le tali.”

Ala Mai! Ape.-Iuni

“Atonu e te ioe o loo tatou ola ai i taimi o faiga sauā. [Pe a uma ona tali mai, ona faitau lea o le 2 Timoteo 3:3.] E oo lava i totonu o le lio o le aiga ua masani ona tutupu ai faiga ‘saua.’ O lenei mataupu, ‘Fesoasoani mo Fafine ua Fasi Faamoʻamoʻa,’ ua faaooina mai ai se feʻau o loo iai se faamoemoe. Atonu e te silafiaina se tasi e mafai ona e faailoa atu i ai.”

Le Olomatamata Ape. 15

“Po o fea lava latou te nonofo ai, ae o loo naunau tagata i le tulaga sologa lelei e pei o le saʻilia ma le iai o se galuega lelei. Ae pe na e iloiloina ea o loo iai se puna tumau o le tulaga sologa lelei, lea e te mafai ai ona maua se olaga mautū e faavavau? [Faitau Salamo 16:8, 9.] Ua auʻiliʻiliina e le mataupu lenei o Le Olomatamata le mea e mafai ona maua ai le saogalemu moni.”

Awake! Ape. 22

“O le toʻatele i aso nei ua latou tuua lotu ua mautū ina ia tapuaʻi ai i le Atua i la latou lava auala. O le ā sou lagona i lenā tulaga? [Tuu le avanoa mo se tali.] Ua faaalia mai e le Tusi Paia e faapea e āfaina moni i le Atua le auala tatou te tapuaʻi atu ai. [Faitau Ioane 4:24.] Ua taʻu mai e le lomiga lenei o le Awake! le auala sili e faamalieina ai ou manaʻoga faaleagaga.”