Le Tala e Fai Atu e Uiga i Mekasini

Le Olomatamata Ape. 1

“E masani ona fesili le ʻautalavou i a latou uō i ni vaifofō i o latou faafitauli, na i lo le saʻili atu mo le fesoasoani a mātua. E te silafia o le ā le māfuaaga? [Faatali mo se tali. Faitau le Faataoto 13:20; 1 Korinito 15:33] Ina ia ʻalofia le taaʻina o fanau e a latou aumea, e ao i mātua ona aʻoaʻo i latou i taʻiala a le Atua, ma totō i o latou loto le alofa mo Ia. Ua fesoasoani lenei lomiga i mātua i le auala e taulau manuia ai i le tausia aʻe o le fanau.”

Ala Mai! Ape.-Iuni

“O le ā sou finagalo i mea o loo tutupu i le lalolagi, faamata e iai se malo e mafai ona aveesea atoatoa faafitauli ma mea o loo atuatuvale ai tagata? [Faatali mo se tali. Faitau le Tanielu 2:44] O loo faamatalaina i le lomiga lenei le tulaga o loo agaʻi i ai le lalolagi, ma le vaifofō ua saunia e le Malo o le Atua.” Itu. 6-9.

Le Olomatamata Ape. 15

“Pe e te talitonu o se tasi o pogai o feeseeseaʻiga i le va o ulugalii o le lē lelei o fesootaʻiga? [Faatali mo se tali. Faitau le Iakopo 1:19] O le talanoa e lē faaʻaloʻaloa ma le faaali o manatu ma lagona moni, o le a ʻalofia ai ni lē femalamalamaaʻiga. Ua fesoasoani lenei lomiga i tane ma avā i le auala e faaleleia ai a la fesootaʻiga, ma saʻili atu ai mo le taʻitaʻiga a le Atua o loo i lana Afioga.”

Ala Mai! Ape.-Iuni

“O ā ni faalogona o se tamā alofa, ae vaai atu i sona atalii ua matelāina i le fia ʻai? [Faatali mo se tali. Faitau le Salamo 146:7] E alofa mutimutivale Ieova i lona silasila mai i lana fanau o loo matelāina. O loo talanoaina i lenei lomiga folafolaga a le Atua i lona foʻiaina o lenei mala, ma le faataunuuina o lana muaʻi fuafuaga ia tumu le lalolagi i taumafa lelei.” Itu. 27.