Le Tala e Fai Atu e Uiga i Mekasini

Le Olomatamata Aoku. 1

“E faitau miliona tagata o loo faaaogāina faatusa po o ata faalelotu i a latou tapuaʻiga, ae e manatu le isi faitau miliona o se mea sesē le faia faapea. Pe e te tau manatu o le ā le finagalo i ai o le Atua? [Tuu le avanoa mo se tali. Ona faitau lea o le Ioane 4:24.] O nei mataupu ua faaalia ai le amataga mai o le faaaogāina o ata faalelotu ma le mea o loo fai mai ai le Tusi Paia e faatatau i tapuaʻiga i faatusa.”

Awake! Aoku. 8

“Na valoia mai e le Tusi Paia o le a iai taimi faigatā a o faagasolo aso e gata ai. [Faitau 2 Timoteo 3:1, 3.] I le lalolagi aoao, ua faamaonia lenei mea i le tele o le solitulafono. Seʻi manatu foʻi i le sili atu ona leaga o le tulaga o mea pe ana faapea e leai ni leoleo! O loo talanoaina i lenei lomiga o le Awake! le luʻi o loo fesagaʻi ma leoleo i le lalolagi aoao.”

Le Olomatamata Aoku. 15

“O le ā le ituaiga o faamaoni e te manatu e sili ona maualuga? [Tuu le avanoa mo se tali.] O lenei mataupu ua faamamafa mai ai le faamaoni i le Atua moni. [Faasino i le itulau e 5, ma faitau le 2 Samuelu 22:26.] Pe e te silafiaina o le faamaoni i le Atua, e mafai ona fesoasoani e taofia ai tagata mai le faia o se gaoioiga lē alofa i isi? Ou te iloa o le a e fiafia e faitau i ai.”

Ala Mai! Iulai-Sete.

“Ua faamamafaina e le Tusi Paia le tāua o le lelei o aʻoaʻoga. [Faitau Faataoto 2:10, 11.] Ua iloa e le toʻatele o i tatou le tāua tele ona maua e tamaiti o ni faiaʻoga agavaa. Ua faamatilatila e le Ala Mai! le vaega tāua a faiaʻoga, le auala e ao ona tatou talisapaia ai ia faataulagaina ua latou faia, ma le mea e mafai ona fai e mātua e fesoasoani ai iā i latou i la latou galuega fitā.”