Le Tala e Fai Atu e Uiga i Mekasini

Le Olomatamata Aoku. 1

“O le ā sou taofi, e faapefea ona faaleleia le tulaga o ē matitiva? [Faatali mo se tali.] E ese ma le aogā o fautuaga a le Tusi Paia ina ia faaleleia ai olaga o ē lē tagolima. [Suʻe i le itulau e 6, faitau manatu e tolu o loo tusi faasisipa.] O le mea e faafetai ai, o loo silasila alofa mai le Atua i ē matitiva. [Faitau le Salamo 72:13.] O loo taʻua e lenei mekasini le vaifofō moni o le mativa.”

Ala Mai! Iulai-Sete.

“E lē taumatea lou faia o se filifiliga mai lea taimi i lea taimi. Ae o le ā sou lagona, faamata o filifiliga uma tatou te faia, e faafiafiaina ai i tatou? [Faatali mo se tali.] So o se filifiliga lava tatou te faia, e oo mai ai ni āuga e lelei pe leaga foʻi. [Faitau Kalatia 6:7.] Ua fesoasoani le Tusi Paia iā i tatou uma, i le auala e faia ai ma le atamai se filifiliga auā le ʻalofia o iʻuga leaga. E faapefea la ona tatou faaaogā tatau le saʻolotoga e filifili ai? O le a maua le tali o lea fesili i le itulau e 14-15 o lenei mekasini.”

Le Olomatamata Aoku. 15

“I aso nei, ua faatāuaina e le toʻatele le iai o se talaaga lelei i o latou soifuaga. Ua tōmanatu nisi, pe o le a faapefea ona manatuaina i latou pe a maliliu. Pe sa iai se taimi na e taumanatu ai faapena? [Faatali mo se tali, ona faitau lea o le Failauga 7:1.] O i latou e iai se talaaga lelei o le a sili le aso e maliu ai, na i lo le aso na soifua ai. O loo talanoaina i lenei Olomatamata auala e mafai ona tatou mauaina ai se talaaga lelei e lē gata i tagata ae faapena foʻi ma le Atua.”

Awake! Aoku. 22

“E toʻatele tamaiti e fasiina ma faafefeina isi tamaiti i aʻoga. O le ā sou taofi, faamata e iai se mea e mafai ona fai e fesoasoani ai i le fanau ina ia iloa ona taulima lenei faafitauli i aʻoga? [Faatali mo se tali.] E iai fautuaga lelei o i le mekasini faa-Peretania lenei, “O Ē e Fasi ma Faafefeina Isi—O le ā se Mea e Mafai Ona E Faia?” ma o loo iai se fesoasoani mo mātua ma o latou alo, aemaise o le folafolaga matagofie a le Tusi Paia. [Faitau le Mika 4:4.]”