Le Tala e Fai Atu e Uiga i Mekasini

Le Olomatamata Sete. 1

“Po o e mātauina ea o le tele lava o nofoaga, ua lē o toe iai se vafealoaʻi lelei o tuaoi e pei o le tulaga sa masani ona iai? [Tuu le avanoa mo se tali.] Na taʻua e Iesu se mataupu silisili autū e avea ai o se tuaoi lelei. [Faitau Mataio 7:12.] I nei mataupu, o loo faaalia ai le auala e mafai ona avea ai i tatou o ni tuaoi lelei, ma faalaeiau isi ia faia faapea.”

Awake! Sete. 8

“I aso nei, e toʻatele tagata ua matuā lē mautonu lava. [Faitau Failauga 9:11.] O fea e maua mai ai ni taʻiala maufaatuatuaina? [Tuu le avanoa mo se tali.] O nisi ua saʻili atu i faipelē. Po o le auala ea lenei o faailoa mai ai le taunuuga o lou olaga? O fea e te maua mai ai ni faamatalaga maufaatuatuaina e uiga i le lumanaʻi? E te maua tali i le Awake!”

Le Olomatamata Sete. 15

“E faitau miliona tagata ua talitonu e iai le mana faapitoa i ‘sagato’ ma e lelei ona tatalo atu e ala iā i latou. O le ā sou manatu? [Tuu le avanoa mo se tali.] Mātau le fetalaiga a Iesu Keriso. [Faitau Ioane 14:6.] O le fetalaiga lenei ua tau mānatu ai nisi tagata e uiga i le tatalo atu e ala i ‘sagato.’ Ua talanoaina lenā mataupu tāua i Le Olomatamata lenei.”

Awake! Sete. 22

“E toʻatele tagata i aso nei ua popole e uiga i faiga faatupu faalavelave, e aofia ai le faasalalau atu o siama ma faamaʻi e fai ma auupega e fasiotia ai tagata. E te manatu e mafai e malo faaletagata ona aveesea faiga faatupu faalavelave mai lenei lalolagi? [Tuu le avanoa mo se tali.] Ua faaalia i le Tusi Paia le mea ua finagalo le Atua e fai. [Faitau Esekielu 34:28.] O loo talanoaina i le mekasini lenei o le Awake! ia mataupu e pei ona ta talanoa i ai.”