Le Tala e Fai Atu e Uiga i Mekasini

Le Olomatamata Sete. 1

“E mautinoa lava ua tofu le toʻatele o i tatou ma tapuaʻiga. O le toʻatele foʻi e manatu e lelei lotu uma, o le mea tāua o le faamaoni i ai. O le ā sou taofi? [Faatali mo se tali.] E iai le manatu faatupu manatu na fetalai i ai Iesu e manaia pe a tatou faitau i ai. [Faitau le Mataio 7:13, 14.] Na fetalai Iesu i mea tau tapuaʻiga, ma o loo faamalamalama i le mekasini lenei le uiga o lana fetalaiga. A e finagalo i ai, e mafai ona tuu le kopi mo oe e te faitau ai.”

Awake! Sete. 8

“Ua telē se taaʻiga i faiga tau i laʻei i olaga o le toʻatele o tagata i aso nei. Ua lagona nisi faapea ua tuu le faamamafaga e tagata i o latou laʻei ma le auala e latou te foliga atu ai. O le ā sou taofi? [Faatali mo se tali.] Ua faaalia i le Awake! se vaaiga paleni e faatatau i laʻei.” [Faitau le Kolose 3:12.]

Le Olomatamata Sete. 15

“O loo matou talanoa ma tagata e faatatau i faaipoipoga. Ua mātauina le faatuputupulaʻia o le fuainumera o faaipoipoga lē fiafia ma oo ai lava ina tatala le tele o faaipoipoga. E iai sou taofi i le faafitauli, o le ā e ono fesoasoani mai? [Faatali mo se tali.] Manaia le manatu o loo i le Isaia 48:17. [Faitau.] Ona o Ieova na faavaeina le uluaʻi faaipoipoga, e talafeagai foʻi la ona tatou faalogo atu iā te ia mo taʻiala ina ia manuia ai faaipoipoga. O le manatu lenā o loo talanoaina i Le Olomatamata lenei, ma ou te fiafia e tuu e te faitau ai.”

Ala Mai! Iulai-Sete.

“Ou te talitonu e te ioe faatasi ma aʻu i lenei vaitaimi ua avea fualaau faasāina ma popolega i si o tatou lava atunuu, ae sili ai ona mataʻutia ua aafia fanau i totonu o aiga. O le ā sou taofi, pe e iai se mea e mafai ona tatou fai e fesoasoani ai e foʻia po o le faaitiitia foʻi o le faafitauli? [Faatali mo se tali.] O le toʻatele e faaaloalogia le Tusi Paia faapea o le Afioga a le Atua, ma latou te talia foʻi manatu o loo iai. [Faitau le 1 Korinito 15:33.] E manaia lenei mau ma o loo fesoasoani mai le mekasini lenei e tusa ai ma lenei mataupu.”