Le Tala e Fai Atu e Uiga i Mekasini

Le Olomatamata Nove. 1

“O loo taumafai le toʻatele o i tatou ina ia maua ni faiā filemu ma isi. Ae ou te iloa o le a e ioe e lē faigofie ona maua ni faiā lelei ma isi. [Tuu le avanoa mo se tali.] Ua faamatala mai e le Tusi Paia le pogai ua māfua ai. [Faitau Iakopo 3:2.] Ua faaalia i le mataupu lenei le auala e avea ai le faatoese atu ma vala sili i le mauaina ma le tausia o le filemu.”

Awake! Nove. 8

“Ua faaalia i le valoaga o le Tusi Paia le oo mai o se taimi e lē toe fai mai ai se tasi, ʻUa ou maʻi.’ [Faitau Isaia 33:24.] E ese le ofoofogia o lenā mea a ea? [Tuu le avanoa mo se tali.] Ae peitaʻi, ua mafatia tagata uma i aso nei i le tele o faamaʻi, e aofia ai le faamaʻi oti o le AIDS. Ua taliina i le lomiga lenei o le Awake! le fesili e faapea, Po o le a mafai ea ona taofia le AIDS?”

Le Olomatamata Nove. 15

“Ua tau manatu nisi pe e tatou te manaʻomia ni falesā ma ni malumalu tetele e tapuaʻi ai i le Atua. O le ā sou manatu? [Tuu le avanoa mo se tali.] Seʻi mātau po o le ā o fai mai ai le Tusi Paia e uiga i lenei mataupu. [Faitau Galuega 17:24.] O le ā la le uiga o nofoaga o tapuaʻiga? O loo i le mekasini lenei se tali mai le Tusi Paia i le fesili lenā.”

Awake! Nove. 22

“Pe e te manatu o le a mafai e le faasaienisi ona faamutaina ia maʻi ma faamaʻi? [Tuu le avanoa mo se tali.] O loo talanoaina i le lomiga lenei o le Awake! ia nisi o mea lelei ua faia e le faasaienisi. Ae o loo faaalia ai foʻi i le lomiga lava lenei le pogai tatou te fai atu ai, ua na o Lē na Foafoaina Mea e iai le mana e soloiesea ai maʻi ma le oti.” Faitau le Salamo 146:3-5, ma ofo i ai le mekasini.